The news is by your side.

Advertisement

صدرِ مملکت اور وزیرِ اعظم کی علی رضا عابدی پر قاتلانہ حملے کی مذمت، رپورٹ طلب کر لی

اسلام آباد: صدرِ مملکت ڈاکٹر عارف علوی اور وزیرِ اعظم عمران خان نے سابق رکن قومی اسمبلی علی رضا عابدی پر قاتلانہ حملے کی شدید مذمت کرتے ہوئے ان کی شہادت پر دکھ اور افسوس کا اظہار کیا ہے۔

تفصیلات کے مطابق صدرِ مملکت اور وزیرِ اعظم نے کراچی کے علاقے ڈیفنس میں اپنے گھر کے باہر قاتلانہ حملے میں جاں بحق ہونے والے سابق ایم کیو ایم رہنما علی رضا عابدی پر حملے کی مذمت کرتے ہوئے اظہارِ افسوس کیا۔

وزیرِ خارجہ شاہ محمود قریشی کی بھی علی رضا عابدی کے قتل کی مذمت

وزیرِ اعظم عمران خان نے واقعے کی رپورٹ طلب کرتے ہوئے پس ماندگان کے لیے صبرِ جمیل کی دعا کی۔

وزیرِ خارجہ شاہ محمود قریشی نے بھی علی رضا عابدی کے قتل کی مذمت کرتے ہوئے ان کی شہادت پر دکھ اور افسوس کا اظہار کیا۔

خیال رہے کہ آج سابق رکن قومی اسمبلی علی رضا عابدی ڈیفنس میں واقع اپنے گھر کے باہر قاتلانہ حملے میں جاں بحق ہو گئے ہیں۔ پولیس کا کہنا ہے کہ قاتل موٹر سائیکل پر سوار تھے، انھیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔


یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق


پولیس کے مطابق علی رضا عابدی کو سر اور گردن میں 2،2 گولیاں لگیں، جائے وقوعہ سے نائن ایم ایم پستول کے 5 خول ملے، ایس ایس پی ساؤتھ نے بتایا کہ وقوعے کے وقت علی رضا عابدی اپنی گاڑی خود چلا رہے تھے۔

آئی جی سندھ نےعلی رضا عابدی پر فائرنگ کا نوٹس لے کر ڈی آئی جی ساؤتھ سے واقعے کی رپورٹ طلب کر لی ہے۔

Comments

comments

یہ بھی پڑھیں