The news is by your side.

Advertisement

چیف جسٹس کیخلاف سوشل میڈیا پر پروپیگنڈا، وزیراعظم کا نوٹس

اسلام آباد: وزیراعظم عمران خان نے چیف جسٹس سمیت اعلیٰ عدلیہ کیخلاف سوشل میڈیا پر پروپیگنڈے کا نوٹس لے لیا۔

اے آر وائی نیوز کی رپورٹ کے مطابق چیف جسٹس سمیت اعلیٰ عدلیہ کیخلاف سوشل میڈیا پر پروپیگنڈےکا وزیراعظم عمران خان نے نوٹس لیتے ہوئے ڈی جی ایف آئی اے کو فوری تحقیقات اور سخت کارروائی کا حکم دے دیا۔

ذرائع کا کہنا ہے کہ وزیراعظم عمران خان نے معاون خصوصی برائے صحت ظفر مرزا کی بھی سرزنش کی اور عدالت میں غیرسنجیدہ رویہ اختیار کرنے پر وزیراعظم نے نوٹس لیا۔

ذرائع کے مطابق ظفر مرزا عدالت کے سوالات کا تسلی بخش جواب دینے میں ناکام رہے، گزشتہ روز کابینہ اجلاس میں وزیراعظم نے ظفر مرزا پر ناراضی کا اظہار کیا۔

مزید پڑھیں: وزیراعظم عمران خان کی ڈاکٹر ظفر مرزا کی سرزنش

وزیراعظم کا کہنا تھا کہ حکومت عدلیہ اور ججز کو نہایت عزت و تکریم کی نگاہ سے دیکھتی ہے، عدلیہ کے سامنے غیرسنجیدہ یا غیرذمہ دارانہ رویہ برداشت نہیں کیا جائے گا۔

واضح رہے کہ دو روز قبل چیف جسٹس گلزاراحمد نے کرونا وائرس کے معاملے پر حکومت کو آڑے ہاتھوں لیتے ہوئے معاون خصوصی ڈاکٹر ظفر مرزا کو ہٹانے کا کہہ دیا تھا۔

حکومتی وکیل کا کہنا تھا کہ ظفر مرزا کو اس موقع پر ہٹانا مناسب نہیں ہوگا، کرونا وائرس کے پیش نظر ظفر مرزا اچھا کام کررہے ہیں ان کو ہٹا کر کسی اور لگایا گیا تو نقصان پہنچ سکتا ہے۔

Comments

یہ بھی پڑھیں