The news is by your side.

Advertisement

شبر زیدی کی بہ طور چیئرمین ایف بی آر تعیناتی کے لیے وزیر اعظم ڈٹ گئے

اسلام آباد: وزیر اعظم عمران خان شبر زیدی کی بہ طور چیئرمین ایف بی آر تعیناتی کے لیے ڈٹ گئے، شبر زیدی کو چیئرمیں ایف بی آر تعینات کیا جا چکا ہے لیکن نوٹیفکیشن تا حال جاری نہیں ہو سکا۔

تفصیلات کے مطابق شبر زیدی کو چیئرمین ایف بی آر تو تعینات کر دیا گیا ہے مگر نوٹیفکیشن جاری نہ ہو سکا، ذرایع کا کہنا ہے کہ ایف بی آر بیوروکریسی شبر زیدی کی تقرری کی مخالف کر رہی ہے۔

دوسری طرف وزیر اعظم عمران خان شبر زیدی کی تعیناتی کے لیے ڈٹ گئے ہیں، انھوں نے ایف بی آر حکام کو طلب کر لیا ہے۔

وزیر اعظم عمران خان نے کہا کہ چاہے کوئی ہڑتال کیوں نہ کرے، چیئرمین ایف بی آر شبر زیدی ہی ہوں گے۔

یہ بھی پڑھیں:  اسد عمر کو چیئرمین قائمہ کمیٹی برائے خزانہ مقرر کیا جائے: وزیر اعظم کی ہدایت

یاد رہے کہ حکومت نے 6 مئی کو معروف ماہر معیشت شبر زیدی کو چیئرمین فیڈرل بورڈ آف ریونیو (ایف بی آر) تعینات کیا تھا۔

شبر زیدی ممتاز ماہر معیشت کی حیثیت سے شناخت رکھتے ہیں، پیشے کے لحاظ سے چارٹرڈ اکاؤنٹنٹ ہیں، کئی اہم فورمز پر پاکستان کی نمائندگی کر چکے ہیں۔

خیال رہے کہ چند روز قبل چیئرمین ایف بی آر جہانزیب خان کو عہدے سے بر طرف کیا گیا تھا، نئے چیئرمین کے لیے کئی نام زیر گردش تھے، مگر قرعہ فال شبر زیدی کے نام نکلا۔

Comments

یہ بھی پڑھیں