نیویارک: وزیراعظم عمران خان نے کہا ہے کہ دنیا کو باورکرانے آیا ہوں کہ بھارت عالمی قوانین کی خلاف ورزی کررہا ہے۔
ان خیالات کا اظہار انھوں نے نیویارک ٹائمزکے ایڈیٹوریل بورڈ سے ملاقات کے موقع پر کیا. وزیراعظم نے صحافیوں کو مقبوضہ کشمیرکی سنگین صورت حال سےآگاہ کیا.
اس موقع پر بھارتی اقدامات سے خطے اور دنیا کے امن کو لاحق خطرات پرتفصیلی گفتگو ہوئی، مقبوضہ کشمیر میں کرفیو کے باعث پیدا بحرانی صورت حال پربھی بات چیت ہوئی.
وزیر اعظم عمران خان کی نیویارک ٹائمزکےادارتی بورڈسےگفتگو کرتے ہوئے کہا کہ عالمی برادری خصوصاً یو این کی ذمے داری ہے کہ مسئلہ کشمیر حل کرے.
پاکستان افغانستان میں امن چاہتا ہے، دنیا باور کرانے آیا ہوں کہ بھارت عالمی قوانین کی خلاف ورزی کررہا ہے.
مقبوضہ کشمیرمیں خوں ریزی کاخدشہ ہے،عالمی طاقتیں خاموش نہیں رہ سکتیں، صورت حال سے بچاؤ کے لئے ضروری ہے کہ عالمی برادری فوری ایکشن لے.
خیال رہے کہ اقوام متحدہ ہیڈ کوارٹرز میں ’نفرت انگیز تقاریر‘ کی روک تھام کے سلسلے میں کانفرنس کا انعقاد کیا گیا تھا، جس سے خطاب کرتے ہوئے وزیر اعظم نے کہا کہ مذہب کا دہشت گردی سے کوئی تعلق نہیں ہے.
انھوں نے کہا کہ مذہبی دہشت گردی کے پیچھے حقیقت کی بہ جائے سیاست ہے، مسلمانوں کے خلاف نفرت انگیز بیانیے کا الزالہ کیا جانا ضروری ہے۔
