The news is by your side.

Advertisement

ڈیم فنڈ میں دل کھول کرعطیات دینے پر اہل کراچی کا شکریہ ، وزیراعظم عمران خان

اسلام آباد : وزیراعظم عمران خان نے ڈیم فنڈ میں دل کھول کرعطیات دینے پر اہل کراچی کا شکریہ ادا کیا اور کہا کہ ڈیم کے لیے مختص فنڈ ریز میں 76 کروڑ کے عطیات جمع ہوئے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں ڈیم فنڈ کے لیے کراچی کےعوام کی سخاوت کا شکریہ ادا کرتے ہوئے کہا ڈیم فنڈ میں دل کھول کرعطیات دینے پر اہل کراچی کا مشکور ہوں، ڈیم کے لیے مختص فنڈ ریز میں 76 کروڑ کے عطیات جمع ہوئے۔

یاد رہے وزیرِاعظم عمران خان نے اپنے دورہ کراچی میں ڈیم فنڈز جمع کرنے کے سلسلے میں منعقدہ تقریب سے خطاب کرتے ہوئے کہا تھا کہ ہمارے پاس ڈیم کے لیے پیسا نہیں ہے جس کے لیے پورے ملک کو حرکت میں لانا ہوگا۔

وزیرِاعظم کا کہنا تھا کہ حکومت اکیلے ڈیم نہیں بنا سکتی، ہر پاکستانی کو شریک ہونا پڑے گا، پیسے آتے رہے تو 5 سال میں ڈیم بن جائے گا، ہم مہمند ڈیم پر بھی کام شروع کر رہے ہیں، ڈیموں سے سستی بجلی فراہم ہوگی پانی جمع ہوگا۔

مزید پڑھیں : حکومت اکیلے ڈیم نہیں بنا سکتی، ہر پاکستانی کو شریک ہونا پڑے گا، وزیراعظم

انھوں نے کہا تھا کہ ہم سیاسی لوگ صرف 5 سال کے لیے آتے ہیں، ڈیم کے لیے سالانہ 30 ارب جمع کرنے ہیں، بجٹ سے ڈیم کی فنانسنگ نہیں ک سکتے، حکومت اور لوگ ایک ہو جائیں تو قوم بن جاتی ہے پھر کوئی چیز نا ممکن نہیں ہوتی۔

عمران خان کا کہنا تھا کہ چین میں 84 ہزار ڈیم ہیں، بھارت کے پاس 5 ہزار ڈیم ہیں، جب کہ ہمارے پاس صرف 150 ہیں، ڈھائی ماہ میں ملک کا 80 فی صد پانی دریاؤں میں نکل جاتا ہے، ہمیں اس پانی کی اسٹوریج کرنی ہے۔

Comments

comments

یہ بھی پڑھیں