اسلام آباد: وزیر اعظم عمران خان آج قوم سے خطاب کریں گے۔ بطور وزیر اعظم عہدے کا حلف اٹھانے کے بعد یہ ان کا قوم سے دوسرا خطاب ہوگا۔
تفصیلات کے مطابق وزیر اعظم عمران خان آج قوم سے خطاب کریں گے۔ ریکارڈنگ کرنے والی سرکاری ٹی وی کی ٹیم وزیر اعظم سیکریٹریٹ پہنچ گئی ہے۔
وزیر اعظم عمران خان آج شام 5 بجے اہم پیغام ریکارڈ کروائیں گے۔
وزیر اعظم پانی بحران پر بیرون ملک پاکستانیوں کو آگاہ کریں گے، پیغام کے ذریعے بیرون ملک پاکستانیوں کو اعتماد میں لیں گے۔
وزیر اعظم کے پیغام کا ایک اہم حصہ ڈیمز فنڈز ریزنگ سے متعلق ہوگا، وہ ڈیمز کی تعمیر میں حصہ ڈالنے کے لیے قوم سے اپیل کریں گے۔
خیال رہے کہ وزیر اعظم عمران خان نے قوم سے پہلا خطاب 19 اگست کو کیا تھا۔
مزید پڑھیں: وزیر اعظم کا قوم سے خطاب
پہلے خطاب میں وزیر اعظم نے منی لانڈرنگ سے باہر جانے والا پیسہ واپس لانے کے لیے ٹاسک فورس بنانے کا وعدہ کیا تھا۔
وزیر اعظم نے وزیر اعظم ہاؤس میں استعمال ہونے والی گاڑیوں کو نیلام کرنے اور وزیر اعظم ہاؤس کے ملازمین کو فارغ کرنے کا اعلان بھی کیا تھا۔
انہوں نے سرکاری اسکولوں ک معیار بہتر بنانے اور جلد سے جلد ڈیم بنانے کا بھی اعلان کیا تھا۔