اسلام آباد : وزیراعظم عمران خان آج ملکی تاریخ کے سب سے بڑے ریلیف پیکج کا اعلان کریں گے، ریلیف پیکج عوام کی مشکلات میں کمی لائےگا اور ملک کی ترپن فیصدآبادی کو فائدہ ہوگا۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا ہے کہ عوام کی تکالیف کاتدارک وزیراعظم کی پہلی ترجیح ہے، وزیراعظم عوام کو ریلیف فراہم کرنے کیلئے ہر حد تک جائیں گے۔
فوادچوہدری کا کہنا تھا کہ قوم سے خطاب میں ملکی تاریخ کے بڑےعوامی ریلیف پیکج کااعلان کریں گے ، ریلیف پیکج عوام کی مشکلات میں کمی لائےگا اور عوام کی زندگیوں میں آسانیاں پیدا کرنے کیلئےسنگ میل ثابت ہوگا۔
عوام کی تکالیف کا تدارک عمران خان کی پہلی ترجیح ہے۔وہ عوام کو ریلیف فراہم کرنے کیلئے ہر حد تک جائیں گے۔ قوم سے خطاب میں ملکی تاریخ کے بڑے عوامی ریلیف پیکج کا اعلان کریں گے۔ یہ پیکج عوام کی مشکلات میں کمی اور ان کی زندگیوں میں آسانیاں پیدا کرنے کیلئے سنگ میل ثابت ہوگا۔
— Ch Fawad Hussain (@fawadchaudhry) November 3, 2021
گذشتہ روزوزیراطلاعات فوادچوہدری نے میڈیا بریفنگ میں کہا تھا کہ وزیراعظم عمران خان کل قوم سےخطاب کریں گے، جس میں ریلیف پیکج کا اعلان کیا جائے گا ، ریلیف پیکج ملک کی ترپن فیصدآبادی کو فائدہ ہوگا۔
فواد چوہدری کا کہنا تھا کہ پاکستان میں خطےسےکم مہنگائی ہے ، پاکستان میں تیل دنیا میں سب سےزیادہ سستاہے، دنیاکی نسبت سب سےکم قیمتیں پاکستان میں ہوناہماری کامیابی ہے۔
