The news is by your side.

Advertisement

پٹرول کی قیمتوں میں کمی کے بعد وزیراعظم آج ایک اور بڑا اعلان کریں گے

لاہور : وزیر اعلی پنجاب کے معاون خصوصی برائے اطلاعات حسان خاور کا کہنا ہے کہ وزیراعظم عمران خان  آج صنعتکاروں کیلئے پیکج کا اعلان کریں گے۔

تفصیلات کے مطابق وزیر اعلی پنجاب کے معاون خصوصی برائے اطلاعات حسان خاور نے پنجاب کابینہ اجلاس میں کیے گئے فیصلوں کے حوالے سے میڈیا بریفنگ میں بتایا کہ وزیراعظم آج صنعتکاروں کیلئے پیکج کا اعلان کریں گے، پٹرول کی قیمتوں میں کمی کرکے وزیراعظم نے ثابت کیا کہ حالات کیسے بھی ہوں وہ عوام کے ساتھ ہیں۔

معاون خصوصی برائے اطلاعات نے کہا کہ وزیراعظم نے صحیح کہا جہاں وزیراعظم کوانصاف میں وقت لگے گا توعام شہری کاکیاحال ہوگا، قائداعظم محمد علی جناح ہمیں ایساملک دے کرنہیں گئےتھے، انھوں نے ہمیں بتایا تھا کہ ملک کو کیسے آگے لیکر جانا ہے۔

حسان خاور کا کہنا تھا کہ کابینہ نے پنجاب سول سرونٹ ایکٹ میں ترمیم کی تھی اس فیصلے کے تحت نوکریوں میں جنوبی پنجاب کا تنتیس فیصد کوٹہ مقرر کیا گیا ہے۔

معاون خصوصی برائے اطلاعات نے کہا کہ نکاح نامے مین ختم نبوت کی شق شامل کرنے اور سی پیک منصوبے کے تحت کارپوریٹ فارمننگ کیلئے زمیں کم از کم پانچ سو ایکڑ اور ذیادہ سے ذیادہ پانچ ہزار ایکڑ سرکاری اراضی لیز پر دینے کا فیصلہ کیا گیا ہے۔

ان کا کہنا تھا کہ کابینہ اجلاس سہولت بازار اتھارٹی قائم کرنے کا فیصلہ کیا گیا ہے، جس کے چیرمین وزیراعلی ہوں گے۔

حسان خاور نے مزید بتایا کہ پرائیوٹ اسکولوں کو ریگولیٹ کرنے کیلئے اتھارٹی قائم کی گئی ہے اوت الیکڑک کار پر پچانوے فیصد ٹیکس چھوٹ دینے کا فیصلہ کیا گیا ہے جبکہ پولیس میں اکائونٹس کی سات سو سے زائد آسامیوں کی منظوری دی گئی ہے۔

Comments

یہ بھی پڑھیں