The news is by your side.

Advertisement

وزیراعظم عمران خان آج نئی آٹو پالیسی کی منظوری دیں گے

لاہور : وزیراعظم عمران خان آج نئی آٹوپالیسی کی منظوری دیں گے، پالیسی کا مقصد گاڑیوں کی قیمت کم کی جاسکے تاکہ مڈل کلاس بھی خرید سکے۔

تفصیلات کے مطابق معاون‌ خصوصی ڈاکٹر شہبازگل نے سماجی رابطے کی ویب سائٹ ٹوئٹر پر اپنے پیغام میں کہا ہے کہ آج وزیراعظم نئی آٹوپالیسی کی منظوری دیں گے ، نئی آٹو پالیسی کے3اہداف ہیں، پالیسی کا مقصد گاڑیوں کی قیمت کم کی جاسکے تاکہ مڈل کلاس بھی خرید سکے۔

شہبازگل کا کہنا تھا کہ نئی آٹو پالیسی سے گاڑیوں کی زیادہ سےزیادہ پیداوار اور اسمبلی لوکل ہوگی اور گاڑیوں کی ایکسپورٹ میں اضافہ ہوگا، خسرو بختیار، حماد اظہراور ان کی ٹیم مبارکباد کی مستحق ہیں۔

یاد رہے وفاقی وزیر برائے صنعت و پیداوار مخدوم خسرو بختیار کا کہنا تھا کہ نئی پالیسی آٹوموٹیو انڈسٹری کی نمو اور ترقی کے ساتھ ساتھ قابل خرید ہونے، کوالٹی، دستیابی اور مقامیت پسندی پر توجہ مرکوز کرے گی۔

Comments

یہ بھی پڑھیں