The news is by your side.

Advertisement

وزیراعظم عمران خان کی زیر صدارت وفاقی کابینہ کا اجلاس کل ہوگا

اسلام آباد : وزیراعظم عمران خان کی زیر صدارت وفاقی کابینہ کا اجلاس کل ہوگا ، جس میں 12 نکاتی ایجنڈے پر غور کیا جائے گا اور کابینہ ای سی سی کے فیصلوں کی توثیق کرے گی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس کل صبح 11 بجے وزیراعظم ہاؤس میں ہوگا، اجلاس کا 12 نکاتی ایجنڈا جاری کر دیا گیا۔

ذرائع کے مطابق وفاقی کابینہ ای سی سی کے فیصلوں کی توثیق کرے گی،عوامی مفاد کے نئے منصوبوں پر اجلاس میں بات چیت ہوگی جبکہ کراچی، لاہور، پشاور اور ملتان میں کثیر المنزلہ عمارتوں کا معاملہ زیر غور آئےگا۔

اجلاس میں فلائٹ انسپکشن یونٹ ایریئل ورک لائسنس کلاس ون کی تجدید کی منظوری اور فیڈرل انسٹی ٹیوٹ آف حیدرآباد کے لیے قانون سازی کی اصولی منظوری دی جائے گی۔

نیشنل فرٹیلائزر کارپوریشن کے سی ای او کو عہدے سے ہٹانے کی منظوری ،قومی پیداوار آرگنائزیشن کے بورڈ آف ڈائریکٹرز کی منظوری بھی کابینہ کے ایجنڈے کا حصہ ہے۔

وفاقی کابینہ اجلاس میں پاکستان الائیڈ ہیلتھ پروفیشنل اینڈ پیرا میڈکس کونسل ایکٹ کی منظوری دے گی جبکہ احساس پروگرام سے متعلق بریفنگ بھی اجلاس کے ایجنڈے میں شامل ہے۔

اجلاس میں خوزارت مواصلات اگست 2018 سے جون 2019 تک کی کارکردگی پر بریفنگ دے گی جبکہ وفاقی کابینہ اپنے فیصلوں پر عملدرآمد کا جائزہ لے گی اور ای سی سی کے فیصلوں کی توثیق کرے گی۔

Comments

comments

یہ بھی پڑھیں