The news is by your side.

Advertisement

وزیراعظم عمران خان آج شجرکاری مہم کا افتتاح کریں گے

اسلام آباد: وزیراعظم عمران خان آج اسلام آباد میں مون سون کی شجرکاری مہم کا افتتاح کریں گے۔

تفصیلات کے مطابق وزیراعظم عمران خان آج شکرپڑیاں میں پودا لگا کر وفاقی دارالحکومت میں مون سون کے دوران دو لاکھ پودے لگانے کی شجرکاری مہم کا افتتاح کریں گے۔

وزیراعظم عمران خان 9 اگست کو لاہور میں شجرکاری مہم کا افتتاح کریں گے۔

وزیراعظم کے مشیر برائے ماحولیاتی تبدیلی ملک امین اسلم نے گزشتہ روز راولپنڈی میں صاف اور سرسبز پاکستان مہم کے سلسلے میں تقریب سے خطاب کرتے ہوئے کہا تھا کہ دس ارب پودے لگانے سے ملک سرسبز ہوگا اور ماحول پر مثبت اثرات مرتب ہوں گے۔

ملک امین اسلم کا کہنا تھا کہ ماحول سے تعلق رکھنے والی تمام عالمی تنظیموں نے اس اقدام کو سراہا ہے اور وہ دنیا کے دیگر مقامات پر اسی طرح کی تحریک شروع کرنے کے لیے جلد ہی پاکستان کا دورہ کریں گے۔

مشیر برائے ماحولیاتی تبدیلی کا کہنا تھا کہ پاکستان موسمیاتی تبدیلی سے شدید متاثر ملکوں میں شامل ہے۔

Comments

comments

یہ بھی پڑھیں