اسلام آباد : وزیراعظم عمران خان 4 اپریل کو عوام الناس سے براہ راست گفتگو میں سوالات کے جواب دیں گے، ٹیلیفون لائنز اتوار کی سہ پہر 3 بجے کھول دی جائیں گی۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا ہے کہ آپ کا وزیراعظم آپ کےساتھ کی دوسری نشست میں عوام وزیراعظم عمران خان سے 4اپریل کوفون پر براہ راست بات کریں گے۔
فیصل جاوید کا کہنا تھا کہ 4 اپریل بروز اتوارآپ کے سوالات اور وزیراعظم کے جوابات ہوں گے ، عوام اس نمبر پر 051-9224900 رابطے کرسکیں گے ، ٹیلیفون لائنز اتوار کی سہ پہر 3 بجے کھول دی جائیں گی۔
#آپکا_وزیرِاعظم_آپکے_ساتھ کی دوسری نشست
وزیرِ اعظم پاکستان عمران خان سے فون پر براہ راست بات کریں
4 اپریل بروز اتوار
آپکے سوالات اور وزیرِ اعظم کے جواب
رابطے کے لیے فون نمبر
051-9224900ٹیلیفون لائنز اتوار کی سہ پہر 3 بجے کھول دی جائینگی#آپکا_وزیراعظم_آپکے_ساتھ pic.twitter.com/gfSUDg4aG5
— Faisal Javed Khan (@FaisalJavedKhan) April 2, 2021
اس سے قبل وزیراعظم عمران خان کے کورونا میں مبتلا ہونے کے باعث عوام سے ٹیلی فون پر گفتگو کا شیڈول تبدیل کردیا گیا تھا۔
یاد رہے یکم فروری کو بھی وزیراعظم عمران خان نے عوام کے سوالات کے جواب دیئے تھے، اس موقع پر وزیراعظم عمران کے پیغام کی ایک مختصر ویڈیو جاری کی گئی تھی، ویڈیو کلپ میں “آپ کا وزیر اعظم آپ کے ساتھ” کی تھیم کا استعمال کیا گیا تھا ، جس میں وزیراعظم قوم کو مخاطب کرتے ہوئے کہہ رہے ہیں کہ یہ قوم عظیم بن سکتی ہےاور انشااللہ ہم بنیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں