وزیرِ اعظم عمران خان 22 اکتوبر کو سعودی عرب کا دورہ کریں گے -
The news is by your side.

Advertisement

وزیرِ اعظم عمران خان 22 اکتوبر کو سعودی عرب کا دورہ کریں گے

اسلام آباد: وزیرِ اعظم عمران خان 22 اکتوبر کو سعودی عرب کا دورہ کریں گے، برادر اسلامی ملک کا دورہ 2 روز پر مشتمل ہو گا۔

تفصیلات کے مطابق وزیرِ اعظم عمران خان 22 اکتوبر کو 2 روزہ دورے پر ریاض جائیں گے، جہاں وہ عالمی سرمایہ کاری کانفرنس میں شرکت کریں گے۔

وزیر اعظم عالمی سرمایہ کاری کانفرنس میں شرکت کریں گے

کانفرنس میں سعودی فرماں روا شاہ سلمان بن عبد العزیز اصلاحاتی ایجنڈے پر دنیا کو اعتماد میں لیں گے، دورے کے دوران سرمایہ کاری کے حوالے سے نئے معاہدوں کا بھی امکان ہے۔

خیال رہے کہ وزیرِ اعظم عمران خان 18 ستمبر کو دو روزہ سرکاری دورے پر سعودی عرب گئے تھے جو ان کا پہلا غیر ملکی دورہ تھا، ان کے لیے خصوصی طور پر روضہ رسولﷺ کے دروازے کھولے گئے تھے۔


یہ بھی پڑھیں:  وزیراعظم دو روزہ دورے پر سعودی عرب پہنچ گئے، روضہ رسولﷺپر حاضری


وزیرِ اعظم عمران خان نے مکہ مکرمہ میں عمرہ بھی ادا کیا، بیت اللہ پہنچنے پر ان کے لیے خصوصی طور پر خانۂ کعبہ کا دروازہ بھی کھولا گیا، جہاں وہ وفد کے ساتھ بیت اللہ شریف میں داخل ہوئے، نوافل ادا کیے اور پاکستان اور عالم اسلام کی سلامتی کے لیے دعائیں کیں۔

Comments

comments

یہ بھی پڑھیں