The news is by your side.

Advertisement

وزیر اعظم عمران خان آج لاہور کا دورہ کریں گے

اسلام آباد : وزیر اعظم عمران خان آج لاہور کا دورہ کریں گے، دورے میں وزیر اعلیٰ پنجاب سمیت کابینہ اراکین، ارکان اسمبلی اور بیوروکریسی سے ملاقاتیں کریں گے۔

تفصیلات کے مطابق وزیر اعظم عمران خان آج لاہور کا دورہ کریں گے، دورے کے دوران عمران خان کی وزیر اعلیٰ پنجاب سے ون آن ون ملاقات ہوگی، ملاقات میں پنجاب کے انتظامی اور سیاسی امور پر بریفنگ دی جائے گی۔

وزیراعظم سے چیف سیکریٹری ودیگر 4سیکریٹریز الگ ملاقات کریں گے جبکہ ایوان وزیر اعلیٰ میں کابینہ اراکین سے بھی ملاقات ہوگی ، جس میں وزیراعظم کو پنجاب حکومت کی 2سالہ کارکردگی پربریفنگ بھی دی جائے گی۔

عمران خان ارکان اسمبلی اور بیوروکریسی سے بھی ملاقاتیں کریں گے جبکہ وزیراعظم کوجنوبی پنجاب سول سیکریٹریٹ سےمتعلق آگاہ کیاجائے گا۔

خیال رہے پنجاب حکومت اپنی2 سالہ کارکردگی کل عوام کے سامنے پیش کرےگی، اس ضمن میں تقریب 2 ستمبر کو 90 شاہراہ قائداعظم پر ہوگی۔

وزیرخزانہ پنجاب ہاشم جواں بخت محکموں کی کارکردگی کا جائزہ پیش کریں گے، وزیراعلیٰ پنجاب عثمان بزدارتقریب کے مہمان خصوصی ہوں گے۔

Comments

یہ بھی پڑھیں