The news is by your side.

Advertisement

وزیراعظم عمران خان ازبک صدر کی دعوت پر کل تاشقند روانہ ہوں گے

اسلام آباد : وزیراعظم عمران خان ازبک صدر کی دعوت پر کل تاشقند روانہ ہوں گے ، دورے کے دوران تجارت ، معاشی تعاون پر مبنی معاہدے اورمفاہمتی یاداشتوں پر دستخط کئے جائیں گے۔

تفصیلات کے مطابق وزیراعظم عمران خان کے دورہ ازبکستان کی تفصیلات جاری کر دی گئیں، عمران خان ازبک صدر کی دعوت پر کل سے تاشقند کا 2 روزہ دورہ کریں گے۔

دورے کے دوران حکومتی وزرا، کاروباری افراد پر مشتمل اعلیٰ سطح وفد وزیراعظم کے ہمراہ ہوگا، وزیراعظم ازبکستان کے صدر اور کاروباری شخصیات سے ملاقات کریں گے، جس میں دونوں رہنماؤں میں باہمی دلچسپی،علاقائی ،بین الاقوامی امورپر بات چیت ہوگی۔

تاشقند میں تجارت ،معاشی تعاون پر مبنی معاہدے ،مفاہمتی یاداشتوں پر دستخط ہوں گے۔

یاد رہے گذشتہ سال دسمبر میں وزیر اعظم عمران خان سے ازبک وزیر مواصلات میخاموف الخم کی ملاقات ہوئی تھی ، جس میں انھوں نے اپنے صدر کی جانب سے وزیر اعظم کو دورہ ازبکستان کی دعوت دی تھی۔

ملاقات میں وزیر اعظم نے ازبکستان کے ساتھ مشترکہ مذہبی، تاریخی اور ثقافتی برادرانہ تعلقات پر زور دیا، مختلف شعبوں میں دو طرفہ تعاون کو مزید فروغ دینے پر اتفاق رائے کیا جب کہ وسطی ایشیا کے ساتھ تجارت، سرمایہ کاری، توانائی میں تعلقات کے فروغ پر بات چیت کی گئی۔

Comments

یہ بھی پڑھیں