The news is by your side.

Advertisement

وژن ہے کہ شہروں میں کثیر المنزلہ عمارتیں اور ان کے سامنے سبزہ زار ہو: وزیر اعظم

اسلام آباد: وزیر اعظم عمران خان کا کہنا ہے کہ میرا وژن ہے کہ شہروں میں کثیر المنزلہ عمارتوں کی اجازت ہو اور بڑی عمارتوں کے سامنے سبزہ زار کے لیے زیادہ جگہ مختص کی جائے۔

تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ مستقبل کے شہروں سے متعلق میرا ایک وژن ہے، میرا وژن ہے شہروں میں کثیر المنزلہ عمارتوں کی اجازت ہو۔

وزیر اعظم کا کہنا تھا کہ بڑی عمارتوں کے سامنے سبزہ زار کے لیے زیادہ جگہ مختص کی جائے، پاکستان ماحولیاتی آلودگی سے متاثر ہونے والے ممالک میں شامل ہے۔ ہاؤسنگ سوسائٹیز ہماری زرعی اراضی کھا گئیں۔

مزید پڑھیں: شہری زراعت ۔ مستقبل کی اہم ضرورت

انہوں نے مزید کہا کہ مستقبل میں فوڈ سیکیورٹی سے متعلق ہمیں اس کے نتائج کا سامنا ہوگا، عمارات کی تعمیر کے لیے عالمی معیار کے سیفٹی اسٹینڈرز کے لیے قانون سازی کر رہے ہیں۔

خیال رہے کہ گزشتہ روز پنجاب کابینہ کے اجلاس کی صدارت کرتے ہوئے وزیر اعظم نے اسی حوالے سے ہدایات جاری کی تھیں کہ زرعی رقبے پر کسی ہاؤسنگ اسکیم کی منظوری نہ دی جائے۔

پنجاب کابینہ کے اجلاس کے دوران وزیر اعظم کا کہنا تھا کہ زرعی رقبے پر کسی ہاؤسنگ اسکیم کی منظوری نہیں دی جائے گی۔ اجلاس میں رقبے کے زیادہ استعمال کو روکنے کے لیے بھی نئی حکمت عملی کی منظوری دی گئی۔

ذرائع کے مطابق زمین پر پھیلاؤ کی بجائے بلند و بالا عمارتیں تعمیر کی جائیں گی، فیصلے کا مقصد رقبے کا کم استعمال عمل میں لانا ہے۔

Comments

comments

یہ بھی پڑھیں