اسلام آباد: وزیر اعظم عمران خان نے کہا ہے کہ قوم اس بار روایت سے ہٹ کر عید مناتے ہوئے طیارہ حادثے کے شہدا اور کرونا سے جاں بحق ہونے والوں کو اپنی خوشیوں اور دعاؤں میں یاد رکھے۔
سماجی رابطے کی ویب سائٹ پر وزیراعظم عمران خان نے اپنے ٹویٹ میں کہا کہ چاہتاہوں اس بار قوم روایت سے ہٹ کر عید منائے، پہلے طیارہ حادثہ میں شہدا اور متاثرہ خاندانوں کیلئے دست دعا بلندکریں اور پھر کرونا وبا کے نتیجے میں ہم سے جدا ہونے والوں کے لیے دعا کریں۔
وزیر اعظم عمران خان نے اپیل کی کہ عوام کرونا سے محفوظ رہنے کے لیے حکومت کی جانب سے دی جانے والی ایس اوپیزکا بھرپور خیال اورلحاظ رکھیں،نمازعید کی ادائیگی سمیت چھٹیوں میں سماجی فاصلوں کاضرورخیال رکھیں۔
وزیر اعظم عمران خان نے دعا کی کہ اللہ پاک اپنی رحمت ہم پرسایہ فگن فرمائیں،آمین‘۔
Second, everyone must remember to observe the SOPs in place for COVID19. The disease is with us & social distancing must be strictly observed throughout the Eid holidays, including during Eid prayers. May Allah bless our nation.
— Imran Khan (@ImranKhanPTI) May 23, 2020
قبل ازیں چیئرمین رویت ہلال کمیٹی مفتی منیب الرحمان نے ماہِ شوّال کا چاند نظر آنے کی تصدیق کرتے ہوئے اعلان کیا کہ ملک بھر میں 24 مئی بروز اتوار عید الفطر منائی جائے گی۔
مزید پڑھیں: چاند نظر آگیا، ملک بھر میں عید الفطر کل منائی جائے گی
اُن کا کہنا تھا کہ بلوچستان، راولپنڈی اور سندھ کے علاقوں سے چاند کی شہادات موصول ہوئیں، جن کی تصدیق کے بعد عید الفطر کا اعلان کیا گیا۔
