واشنگٹن : وائٹ ہاؤس نے وزیراعظم عمران خان کے دورہ امریکا کی تصدیق کردی، امریکی صدر22جولائی کو وزیراعظم عمران خان کا استقبال کریں گے۔
تفصیلات کے مطابق ترجمان وائٹ ہاؤس نے اس بات کی تصدیق کردی ہے کہ وزیر اعظم عمران خان امریکہ کا سرکاری دورہ کریں گے، ترجمان کے مطابق22 جولائی کو امریکی صدر ڈونلڈ ٹرمپ وزیراعظم پاکستان کا استقبال کریں گے۔
وائٹ ہاؤس اعلامیے کے مطابق صدرٹرمپ اور وزیراعظم عمران خان کے درمیان مختلف امور پر بات چیت ہوگی، دونوں رہنماؤں میں انسداد دہشت گردی، دفاع اور توانائی اور تجارت پر بھی بات ہوگی۔
اعلامیے میں مزید کہا گیا ہے کہ وزیراعظم عمران خان کے دورہ امریکہ سے دوطرفہ تعاون مزید مضبوط ہوگا، ان کا دورہ امریکہ علاقائی سلامتی اور خوشحالی میں معاون ثابت ہوگا۔
ترجمان وائٹ ہاؤس کے مطابق وزیراعظم کا محور جنوبی ایشیا میں پائیدار امن اور استحکام لانا ہے، مذاکرات مکا مقصد پاکستان اور امریکہ کے درمیان پائیدار شراکت داری کو فروغ دینا ہے۔
