ن لیگ اور پی پی کے سابقہ حکمرانوں کو آڑے ہاتھوں لیا جائے، وزیرِ اعظم کی ہدایت -
The news is by your side.

Advertisement

ن لیگ اور پی پی کے سابقہ حکمرانوں کو آڑے ہاتھوں لیا جائے، وزیرِ اعظم کی ہدایت

اسلام آباد: وزیرِ اعظم عمران خان کی زیرِ صدارت پارٹی رہنماؤں کا اجلاس منعقد ہوا، اجلاس میں سابق حکمرانوں کی عیاشیوں پر خصوصی طور پر بحث کی گئی۔

ذرائع کے مطابق وزیرِ اعظم عمران خان نے پارٹی رہنماؤں کو ہدایت کرتے ہوئے کہا کہ سابق حکمرانوں کی عیاشیاں قوم کے سامنے لائی جائیں، اور پی ٹی آئی حکومت کی کارکردگی کو اجاگر کیا جائے۔

وزیرِ اعظم کی زیرِ صدارت منعقدہ پارٹی قیادت کے اہم اجلاس میں نعیم الحق، علی زیدی، اسد عمر، علیم خان، عثمان ڈار، شبلی فراز، شفقت محمود، افتخار درانی، خسرو بختیار، علی امین گنڈا پور، فیصل جاوید اور شہزاد وسیم شریک ہوئے۔

اجلاس میں حکومتی حکمتِ عملی اور ترجیحات پر مشاورت کی گئی، ضمنی انتخابات میں ٹکٹس کی تقسیم اور حکومت کا 100 روزہ پلان بھی زیرِ بحث آیا، وزیرِ اعظم کی جانب سے پارٹی رہنماؤں سے بریفنگ کے بعد اہم فیصلے کیے گئے۔

وزیرِ اعظم نے مختلف معاملات میں ہدایات جاری کیں، انھوں نے ہدایت کی کہ سابق وزیرِ اعظم کے زیرِ استعمال گاڑیوں تک میڈیا کو رسائی دی جائے۔


وزیراعظم عمران خان سے چینی وزیر خارجہ کی ملاقات، عالمی معاملات پر تبادلہ خیال


ذرائع کے مطابق عمران خان نے کہا کہ پی ٹی آئی منشور اور اس پر عمل در آمد کو زیادہ سے زیادہ اجاگر کیا جائے، ان کا کہنا تھا کہ پارٹی رہنما ڈیم فنڈ کے لیے مؤثر تشہیری مہم چلائیں۔

ذرائع نے مزید کہا کہ وزیرِ اعظم کی جانب سے یہ ہدایت بھی دی گئی کہ ڈیم فنڈ تشہیری مہم بیرون ملک، سوشل میڈیا اور مقامی طور پر چلائی جائے۔

Comments

comments

یہ بھی پڑھیں