اسلام آباد: وزیر اعظم پاکستان آج رات ساڑھے 10بجےقوم سے خطاب کریں گے.
تفصیلات کے مطابق وزیر اعظم عمران خان قوم سے خطاب میں سیاسی اور معاشی صورت حال پر اعتماد میں لیں گے۔ وزیر اعظم کے معاون خصوصی نعیم الحق نے تصدیق کر دی۔
توقع کی جارہی ہے کہ اس خطاب میں وزیر اعظم عوام کو اپنے حالیہ اقدامات سے متعلق اعتماد میں لیں گے۔
خیال رہے کہ آج پی ٹی آئی حکومت نے اپنا پہلا بجٹ پیش کیا۔ بجٹ کا حجم 7.22 کھرب روپے رکھا گیا ہے۔ ترقیاتی کاموں کے لیے 1800 ارب روپے مختص کیے گئے ہیں، ٹیکس وصولیوں کا ہدف 550 ارب رکھا گیا ہے۔ وفاقی بجٹ کا خسارہ 3560ارب روپے ہوگا۔
بجٹ میں وفاقی وزرا کی تنخواؤں میں 10 فیصد کمی کا فیصلہ کیا گیا ہے جبکہ گریڈ 21 اور 22 کے سرکاری افسران کی تنخواہوں میں اضافہ نہیں کیا جائے گا۔ چارلاکھ سالانہ آمدن والوں کو انکم ٹیکس دینا ہوگا۔
مزید پڑھیں: لگتا ہے اللہ تعالی کو پاکستان پر رحم آگیا ، وزیراعظم کاگرفتاریوں پر تبصرہ
وزیرمملکت برائے ریونیو حماد اظہر بجٹ پیش کیا، اس موقع پر وزیراعظم عمران خان بھی ایوان میں موجود تھے.
بجٹ ارکان کے دوران اپوزیشن ارکان نے شدید احتجاج کیا اور مسلسل نعرے بازی کرتی رہی.
