وزیرِ اعظم عمران خان آج 8 بجے قوم سے خطاب کریں گے -
The news is by your side.

Advertisement

وزیرِ اعظم عمران خان آج 8 بجے قوم سے خطاب کریں گے

اسلام آباد: ملک کے 22 ویں وزیرِ اعظم عمران خان قوم سے آج 8 بجے خطاب کریں گے، جب کہ وفاقی کابینہ کی حلف برداری کا شیڈول تبدیل کر دیا گیا ہے، اب یہ  تقریب پیر کو منعقد ہوگی۔

تفصیلات کے مطابق گزشتہ روز ایوانِ صدر میں منعقد ہونے والی پروقار تقریب میں منتخب وزیر اعظم عمران خان نے وزارتِ عظمیٰ کے عہدے کا حلف اٹھالیا۔

وزیرِ اعظم عمران خان کی تقریر آج 6 بجے ریکارڈ ہوگی جب کہ 8 بجے نشر کی جائے گی، قوم سے خطاب میں امکان ہے کہ عمران خان پہلے سو دنوں کی حکمت عملی کے حوالے سے بات کریں گے۔

دوسری طرف وفاقی کابینہ کی حلف برداری کا شیڈول تبدیل کردیا گیا ہے، اب وفاقی کابینہ پیر کو حلف اٹھائے گی، اس سلسلے میں وزیرِ اعظم نے 20 رکنی وفاقی کابینہ کی منظوری دے دی ہے۔

عمران خان کی کابینہ  15 وفاقی وزرا اور 5 مشیروں پر مشتمل ہوگی، حلف برداری کی تقریب پیر کو ایوان صدر میں منعقد ہوگی۔


عمران خان نے وزیر اعظم کے عہدے کا حلف اٹھالیا


وزیراعظم پاکستان عمران خان نے اسد عمر کو وزیرِ خزانہ، شاہ محمود قریشی کو وزارتِ خارجہ، پرویزخٹک کو وزارتِ دفاع اور شیخ رشید کو ریلوے کی وزارت دینے کی منظوری دی ہے۔

اتحادیوں میں فہمیدہ مرزا وزیرِ بین الصوبائی رابطہ اور ارباب شہزاد مشیر اسٹیبلشمنٹ ہوں گے جب کہ خالد مقبول صدیقی وزیرِ انفارمیشن اینڈ ٹیکنالوجی ہوں گے۔

Comments

comments

یہ بھی پڑھیں