The news is by your side.

Advertisement

وزیراعظم عمران خان کا لیڈرآف اپوزیشن شہبازشریف کو خط

اسلام آباد: وزیراعظم عمران خان نے اپوزیشن لیڈر شہباز شریف کو خط لکھا ہے جس میں انہوں نے چیف الیکشن کمشنر کے لیے 3 نام تجویز کیے ہیں۔

تفصیلات کے مطابق وزیراعظم عمران خان نے لیڈر آف اپوزیشن میاں شہباز شریف کو خط لکھا ہے جس میں چیف الیکشن کمشنر کے لیے 3 نام تجویز کیے گئے ہیں۔

وزیراعظم کی جانب سے لکھے گئے خط میں 3 سابق وفاقی سیکرٹریوں کے نام چیف الیکشن کمشنر کے لیے تجویز کیے گئے۔ تجویز کردہ ناموں میں جمیل احمد، فضل عباس، سکندرسلطان راجہ شامل ہیں۔

اپوزیشن لیڈر شہباز شریف کو لکھے گئے خط میں وزیراعظم عمران خان نے کہا کہ با معنی مذاکرات کے لیے آپ کو خط لکھ رہا ہوں، چیف الیکشن کمشنر کی تعیناتی کا عرصہ، زیر التوامعاملہ حل کرنا چاہتا ہوں، آپ کو ازسرنو تشکیل کیا گیا پینل بھیج رہا ہوں۔

واضح رہے کہ چیف الیکشن کمشنر اور ممبران کی تقرری کے معاملے پر پارلیمانی کمیٹی کا اجلاس پھر بے نتیجہ ختم ہوگیا، اجلاس پیرکو دوبارہ طلب کیا گیا ہے۔

حکومت کی جانب سے پہلے چیف الیکشن کمشنر اور ارکان کے تجویز کردہ نام اپوزیشن کو بھیجے جائیں گے، اپوزیشن اس کے بعد نام بھجوائے گی۔

fb-share-icon0
Tweet 20

Comments

comments

یہ بھی پڑھیں