نوجوانوں کو تعلیم، صحت اور روزگار کی فراہمی اولین ترجیح ہے، عمران خان -
The news is by your side.

Advertisement

نوجوانوں کو تعلیم، صحت اور روزگار کی فراہمی اولین ترجیح ہے، عمران خان

اسلام آباد : وزیراعظم عمران خان نے کہا ہے کہ نوجوانوں کو تعلیم، صحت اور روزگار کی فراہمی حکومت کی اولین ترجیح ہے، نوجوان ملک کی تقدیر بدل سکتے ہیں۔

ان خیالات کا اظہار انہوں نے اسلام آباد میں یوتھ پروگرام سے متعلق اجلاس سے خطاب کرتے ہوئے کیا، اسلام آباد میں وزیر اعظم کی زیر صدارت ہونے والے یوتھ پروگرام کے اجلاس میں چیئرمین پرائم منسٹر یوتھ پروگرام عثمان ڈار، وزیراعظم کے معاونین نے شرکت کی۔

اجلاس میں یوتھ پروگرام سے متعلق جامع حکمت عملی پر تبادلہ خیال کیا گیا، اس موقع پر وزیر اعظم کو بریفنگ دی گئی جس میں بتایا گیا کہ ملک میں اس وقت13کروڑ آبادی35سال سے کم عمر افراد ہے جن کی تعلیم و تربیت اور روزگار کی فراہمی پر خصوصی توجہ دینے کی ضرورت ہے۔

سابقہ دور میں اربوں روپے سے شروع یوتھ پروگرامز ادھورے چھوڑے گئے، اس کے علاوہ کامن ویلتھ یوتھ گلوبل ڈویلپمنٹ انڈیکس میں پاکستان کی رینکنگ بھی کم ہوگئی ہے۔

بریفنگ میں کہا گیا کہ پاکستان کی پوزیشن2013کے مقابلے میں 154تک آن پہنچی، 2013میں پاکستان89نویں نمبر پر تھا، حکومت نوجوانوں کی تعلیم ،تربیت اورروزگارکیلئےجامع پروگرام شروع کررہی ہے۔

اجلاس سے خطاب کرتے ہوئے وزیراعظم عمران خان نے کہا کہ35سال سے کم عمر13کروڑ آبادی ملک کا قیمتی اثاثہ ہے،نوجوان ملک کی تقدیر بدل سکتے ہیں، نوجوانوں کو تعلیم، صحت،روزگار کی فراہمی حکومت کی ترجیح ہے۔

انہوں نے ہدایت دی کہ نوجوانوں کے لئے ملک بھر میں جامع پروگرام مرتب کیا جائے، نوجوانوں کو غربت سے نکالنے کے لئے انہیں باعزت روزگار فراہم کرنا ہو گا۔

جدید ٹیکنالوجی سے نوجوانوں کیلئے خصوصی پورٹل کا اہتمام کیا جائے تاکہ نوجوان براہ راست حکومت تک اپنی آراء، تجاویز اور شکایات پہنچا سکیں۔

Comments

comments

یہ بھی پڑھیں