The news is by your side.

Advertisement

وزیر اعظم عمران خان کا کرونا ٹیسٹ منفی آ گیا

اسلام آباد: وزیر اعظم عمران خان کا کو وِڈ نائنٹین کا ٹیسٹ منفی آ گیا ہے۔

اے آر وائی نیوز کے مطابق وزیر اعظم پاکستان کا کرونا وائرس کے لیے کیے گئے ٹیسٹ کی رپورٹ نیگیٹو آ گئی ہے، ان کا کرونا ٹیسٹ گزشتہ روز لیا گیا تھا۔

فلاحی ادارے ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آنے پر وزیر اعظم نے ٹیسٹ کرانے کا فیصلہ کیا تھا، چند دن قبل اسلام آباد میں فیصل ایدھی نے وزیر اعظم سے ان کے آفس میں ملاقات کی تھی اور کرونا ریلیف فنڈ میں عطیہ دیا تھا۔

ایدھی فاؤنڈیشن کے سربراہ فیصل ایدھی کا کرونا ٹیسٹ مثبت آ گیا

وزیر اعظم کے کرونا ٹیسٹ کے لیے شوکت خانم اسپتال کے ڈاکٹرز نے سیمپل لیے تھے، وزیر اعظم کے فوکل پرسن برائے کرونا وائرس ڈاکٹر فیصل کا کہنا تھا کہ کچھ روز قبل فیصل ایدھی نے وزیر اعظم عمران خان سے ملاقات کی تھی، جس کے بعد بہ طور ذمہ دار شہری وزیر اعظم نے اپنا کرونا ٹیسٹ کرانے پر رضا مندی ظاہر کی۔

فیصل ایدھی سے قبل ان کے بیٹے سعد ایدھی کا بھی کرونا ٹیسٹ پازیٹو آیا تھا، آج فیصل ایدھی نے اے آر وائی نیوز سے گفتگو کرتے ہوئے بتایا کہ انھیں شبہ ہے کہ انھیں وائرس کراچی ہی میں لگا تھا، خیال رہے کہ وائرس کی تصدیق کے بعد فیصل ایدھی نے خود کو آئسولیٹ کر دیا ہے۔

Comments

یہ بھی پڑھیں