The news is by your side.

Advertisement

قبضہ مافیا کیلئے خطرے کی گھنٹی، وزیراعظم کا بڑا حکم

اسلام آباد : وزیر اعظم عمران خان نے قبضے ختم کرانے کیلئے سخت ایکشن کی منصوبہ بندی شروع کردی اور قبضہ مافیا سے سرکاری اراضی واپس لینے کیلئے ٹھوس پلان تیار کرنے کا حکم دے دیا۔

تفصیلات کے مطابق سرکاری اراضی اور سرکاری جنگلات پر قبضہ مافیا کیلئے خطرے کی گھنٹی بجادی ، وزیر اعظم نے قبضے ختم کرانے کیلئے سخت ایکشن کی منصوبہ بندی شروع کردی ہے۔

وزیراعظم کی زیر صدارت اجلاس میں لاکھوں ایکٹراراضی پرقبضے کے خاتمے کیلئے مشاورت کی گئی ، اجلاس میں وفاقی ،صوبائی حکام کی شرکت، وزرااور اعلیٰ افسران نے اپنی رائے دی۔

وزیراعظم نے قبضہ مافیا سے سرکاری اراضی واپس لینے کیلئے ٹھوس پلان تیار کرنے کا حکم دیتے ہوئے کہا پلان ایک ہفتے میں تیار کیا جائے،خلاف ورزی پررعایت نہ برتی جائے۔

وزیر اعظم نے معاون خصوصی ملک امین اسلم کو پلان ترتیب دینے کا ہدف دیتے ہوئے احکامات جاری کئے کہ سرکاری اراضی واگزارکیلئےسفارشات مرتب کی جائیں۔

عمران خان کا کہنا تھا کہ وفاقی،صوبائی محکمے ملکر سرکاری اراضی سے قبضے ختم کرائیں گے، پہلےکیڈیسٹرل میپنگ کی مکمل کی گئی،اب محکمے ذمہ داری پوری کریں گے۔

رپورٹ میں بتایا گیا کہ قبضہ شدہ سرکاری اراضی کی مالیت 5 ہزار 595 ارب روپے بنتی ہے جبکہ جنگلات کی ساڑھے 7لاکھ ایکٹر رقبےکی مالیت 1 ہزار 870 ارب روپے ہے۔

یاد رہے وزیر اعظم عمران خان نے 2روزقبل ٹویٹ پرقبضہ مافیا کے خلاف ایکشن کا عندیہ دیا تھا۔

Comments

یہ بھی پڑھیں