The news is by your side.

Advertisement

ماحولیاتی تغیر : ہالی ووڈ ہیروآرنلڈ شوارزینیگر کی وزیراعظم عمران خان سے معاونت کی اپیل

اسلام آباد : ماحولیاتی تغیر کے حوالے سے ہالی ووڈ ہیروآرنلڈ شوارزینیگر نے وزیراعظم عمران خان سےمعاونت کی اپیل کردی ، آرنلڈ کی اپیل پر وزیراعظم عمران خان آج ویڈیو بیان جاری کریں گے۔

تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ مشہور ہالی وڈ ہیرو آرنلڈ شوارزینیگر نے وزیراعظم عمران خان سے معاونت کی اپیل کی ہے، لائمنٹ ایکشن ہیروز آج چوتھے سالانہ آسٹرین ورلڈ سمٹ کے سلسلے میں آج آسٹریا میں اکٹھے ہوں گے، آرنلڈکی اپیل پروزیراعظم عمران خان آج ویڈیوبیان جاری کریں گے۔

فیصل جاوید کا کہنا تھا کہ وزیراعظم ویڈیو بیان میں ماحولیاتی تغیر، حیاتیاتی ماحول کے بچاؤ، سبز نوکریوں کی فراہمی، غربت کے خاتمے اور نوجوانوں کو سبز مستقبل کا نگہبان بنانے کے حوالے سے اپنے ویژن پر روشنی ڈالیں گے۔

انھوں نے کہا کہ آرنلڈ آلودگی اور ماحولیاتی تغیر کیخلاف تقریباً 2 عشروں سے برسرِ پیکار ہیں اور ماحولیاتی تغیر کے حوالے سے انکی کوششوں کا محور لوگوں کو ماحولیاتی بحرانوں سے آگاہی دینا اور سال میں ایک مرتبہ آسٹرین ورلڈ سمٹ کا انعقاد ہے۔

سینیٹر فیصل جاوید نے کہا کہ آرنلڈ ماحولیاتی تغیر کیخلاف وزیراعظم عمران خان کے اقدامات اور عزم کے معترف ہیں اور وزیراعظم عمران خان کو کلائمنٹ ایکشن ہیرو اور کلائمنٹ ایکشن الائنس کا اہم حصہ سمجھتے ہیں۔

Comments

یہ بھی پڑھیں