تازہ ترین

بجٹ 2023-24 قومی اسمبلی میں پیش

اسلام آباد: وفاقی وزیرخزانہ اسحاق ڈار نے مالی سال...

ملازمین کی تنخواہوں اور پنشن میں اضافہ ناگزیر ہے، شہباز شریف

اسلام آباد : وزیراعظم شہبازشریف نے کہا ہے کہ...

پاکستان کا خطرناک ترین دشمن افغانستان میں پُر اسرار طور پر ہلاک

راولپنڈی : پاکستان کا خطرناک ترین دشمن ثنااللہ غفاری...

وفاقی بجٹ آج پیش کیا جائے گا

آئندہ مالی سال کا وفاقی بجٹ آج پیش کیا...

وزیراعظم کی کورونا صورتحال میں پارلیمانی کمیٹی کے مثبت کردار کی تعریف

اسلام آباد : وزیراعظم عمران خان نے اسپیکر قومی اسمبلی اسد قیصر سے ملاقات میں کورونا صورتحال میں پارلیمانی کمیٹی کے مثبت کردار کی تعریف کرتے ہوئے کہا حکومت کورونا سےنمٹنے کے لیے موثر اقدامات کر رہی ہے۔

تفصیلات کے مطابق وزیراعظم عمران خان سے اسپیکر قومی اسمبلی اسد قیصر کی ملاقات ہوئی ، ملاقات میں ملکی سیاسی اور کورونا کی صورتحال پر تبادلہ خیال کیا گیا اور ملکی معیشت کودرپیش چیلنجز اور حکومتی اقدامات پر بات چیت کی گئی۔

وزیر اعظم نے خصوصی کمیٹی برائے زرعی اجناس سے سفارشات مانگ لیں جبکہ اسپیکر اسدقیصرنےکوروناسےمتعلق پارلیمانی کمیٹی کی تجاویز سے آگاہ کرتے ہوئے کہا آئندہ بجٹ سمیت قومی اسمبلی کے اجلاس بلانے سےمتعلق مشاورت جاری ہے م پارلیمان میں موجود سیاسی جماعتوں سے رائے لے کرفیصلہ کیا جائے گا۔

عمران خان نے کہا کہ زراعت کےشعبےکوبجٹ میں خصوصی توجہ دےکرترقی دی جائے گی ، ملاقات میں قومی اسمبلی کےورچوئل اجلاس منعقدکرنےسے متعلق تبادلہ خیال کیا گیا اور پارلیمنٹ میں قانون سازی کے حوالے سے مختلف امورپر بھی گفتگو ہوئی۔

اسپیکرقومی اسمبلی نے بتایا کہ قائمہ کمیٹیوں کےاجلاس ویڈیولنک کےذریعےہورہےہیں، وزیراعظم نے قومی اسمبلی قائمہ کمیٹیوں کےویڈیولنک سےانعقادکوبھی سراہتے ہوئے یقین دہانی کرائی کہ پارلیمانی کمیٹی کی تجاویز ،سفارشات پرعمل کیاجائےگا۔

وزیراعظم کا کہنا تھا کہ موجودہ حالات میں پارلیمان کوموثراورفعال رکھناانتہائی ضروری ہے، پارلیمنٹ عوام کی امنگوں کا ادارہ ہے۔

عمران خان نے کوروناصورتحال میں پارلیمانی کمیٹی کے مثبت کردار کی تعریف کرتے ہوئے کہا حکومت کورونا سےنمٹنے کے لیے موثر اقدامات کر رہی ہے، موجودہ صورتحال میں پارلیمنٹ کا مثبت کردار قابل تعریف ہے۔

وزیر اعظم نے اسپیکر کی مذہبی ہم آہنگی پیدا کرنے کی کاوشوں کو سراہا ، اسد قیصر کا کہنا تھا کہ کورونا کے خلاف پوری قوم کو متحد ہونے کی ضرورت ہے، مشکل کی گھڑی میں سیاسی جماعتوں کے کاایک پیج پرہوناملکی مفاد میں ہے۔

Comments