The news is by your side.

Advertisement

وزیراعظم عمران خان سے ملائیشین نائب وزیر خارجہ کی ملاقات

اسلام آباد : وزیراعظم عمران خان نے ملائیشین نائب وزیر خارجہ داتو ویرا حاجی مرزوقی یحییٰ سے ملاقات کی ، ملاقات میں دو طرفہ تعلقات اور باہمی دلچسپی کے امور پر تبادلہ خیال کیا گیا۔

تفصیلات کے مطابق وزیراعظم عمران خان سے ملائیشین نائب وزیر خارجہ داتو ویرا حاجی مرزوقی یحییٰ کی ملاقات ہوئی ، ملاقات میں وزیرخارجہ شاہ محمود قریشی بھی موجود تھے، ملاقات میں دو طرفہ تعلقات اور باہمی دلچسپی کے امور پر تبادلہ خیال کیا گیا۔

اس سے قبل ملائیشین وزیراعظم کے خصوصی ایلچی و نائب وزیرخارجہ نے وزارت خارجہ کا دورہ کیا تھا،جہاں انھوں نے وزیرخارجہ شاہ محمود قریشی سے ملاقات کی تھی۔

مزید پڑھیں : شاہ محمود قریشی سے ملائیشین نائب وزیر خارجہ کی ملاقات

ملاقات میں دو طرفہ تعلقات، خطے کی صورتحال اور باہمی دلچسپی کے امور پر گفتگو ہوئی اور وزیر خارجہ نے ملائیشین نائب وزیر خارجہ کو مقبوضہ کشمیر کی صورتحال سے آگاہ کیا۔

شاہ محمود قریشی کا کہنا تھا کہ مقبوضہ کشمیر میں بھارتی مظالم کے خلاف ملائیشیا کی آواز بلند کرنا قابل تحسین ہے، مسئلہ کشمیر پر پاکستانی مؤقف کی تائید اور حمایت پر ملائیشیا کے ممنون ہیں۔

ملائیشیا کے نائب وزیر خارجہ نے شاہ محمود قریشی کو کوالالمپور کانفرنس کی تفصیلات سے بھی آگاہ کیا جبکہ شاہ محمود قریشی نے کوالالمپور کانفرنس کے انعقاد پر پاکستان کی مکمل حمایت کا یقین دلایا۔

fb-share-icon0
Tweet 20

Comments

comments

یہ بھی پڑھیں