The news is by your side.

Advertisement

وزیراعظم عمران خان کی آئی ایم ایف کی مینیجنگ ڈائریکٹر سے ملاقات طے

اسلام آباد : وزیراعظم عمران خان کی آئی ایم ایف کی مینیجنگ ڈائریکٹر کرسٹین لگارڈ سےملاقات طے پاگئی ، ملاقات دورہ چین کےدوران ہوگی، پاکستان کوآئی ایم ایف سےتقریباً6ارب ڈالرقرض ملنےکاامکان ہے۔

تفصیلات کے مطاقب وفاقی حکومت کے آئی ایم ایف کے ساتھ اعلیٰ سطح پر رابطہ ہوا ، جس میں وزیراعظم عمران خان کی آئی ایم ایف کی مینیجنگ ڈائریکٹر کرسٹین لگارڈ سےملاقات طے پا گئی۔

ملاقات 26 اپریل کو دورہ چین کے دوران ہوگی، جس میں آئی ایم ایف پروگرام پراب تک پیشرفت کاجائزہ لیا جائےگا، وزیراعظم کرسٹین لگارڈ کوملکی معاشی صورت حال سےآگاہ کریں گے۔

مزید پڑھیں : آئی ایم ایف سے 6 سے 8 ارب ڈالر ملنے کا امکان ہے

پاکستان کوآئی ایم ایف سےتقریباً6ارب ڈالرقرض ملنے کا امکان ہے۔

یاد رہے 10 فروری کو زیراعظم عمران خان کی آئی ایم ایف کی منیجنگ ڈائریکٹر کرسٹین لگارڈ سے دبئی میں ملاقات ہوئی تھی ، ملاقات میں آئی ایم یف کو پاکستان کے موقف سے آگاہ کیا گیا تھا اور پاکستان کے معاشی استحکام سے متعلق معاملات بھی زیر غور آئے تھے ۔

عالمی مالیاتی ادارے کی منیجنگ ڈائریکٹر کرسٹین لگارڈ نے کہا تھا کہ وزیراعظم عمران خان سے اچھی اور تعمیری ملاقات ہوئی جس میں پاکستان میں حالیہ معاشی ترقی اور مستقبل کے امکانات پر بات چیت ہوئی۔

وزیراعظم عمران خان کا کہنا تھا اہم معاملات پر آئی ایم ایف سے اتفاق رائے ہوا ہے، بہت سے معاملات پر آئی ایم ایف اور ہمارے خیالات میں ہم آہنگی ہے۔

مزید پڑھیں : وزیراعظم عمران خان سے آئی ایم ایف کی ایم ڈی کرسٹین لگارڈ کی ملاقات

بعد ازاں وزیر خارجہ شاہ محمود قریشی نے دبئی میں میڈیا سے گفتگو کرتے ہوئے کہا تھا کہ وزیراعظم عمران خان کی آئی ایم ایف چیف کرسٹین لگارڈ سے ملاقات مفید رہی ہے، آئی ایم ایف کے ساتھ بنیادی نکات پر اتفاق رائے ہوگیا ہے۔

شاہ محمود قریشی کا کہنا تھا کہ خوشی ہے ہماری اور آئی ایم ایف کی سوچ میں مطابقت پائی جاتی ہے، عنقریب ایسا پروگرام لائیں گے، جس سے کم آمدن والے طبقات کا تحفظ ہو۔

Comments

comments

یہ بھی پڑھیں