The news is by your side.

Advertisement

وزیراعظم کا صادق سنجرانی پراعتماد کا اظہار، انشااللہ آپ کامیاب ہوں گے

اسلام آباد : وزیراعظم عمران خان نے صادق سنجرانی پراعتماد کا اظہار کرتے ہوئے کہا سب اتحادی اورحکومت آپ کےساتھ کھڑی ہے، پرامید ہوں انشااللہ آپ کامیاب ہوں گے۔

تفصیلات کے مطابق وزیراعظم عمران خان سے چیئرمین سینیٹ صادق سنجرانی کی ملاقات ہوئی ، ملاقات میں چیئرمین اورڈپٹی چیئرمین سینیٹ کےالیکشن پر گفتگو کی گئی۔

وزیراعظم عمران خان نے صادق سنجرانی پراعتماد کا اظہار کرتے ہوئے کہا سب اتحادی اورحکومت آپ کےساتھ کھڑی ہے، پرامید ہوں انشااللہ آپ کامیاب ہوں گے۔

عمران خان کا مزید کہنا تھا کہ ڈپٹی چیئرمین کا نام بھی مشاورت سے فائنل کرلیا جائے گا۔

خیال رہے وزیراعظم عمران خان آج نامزدگی پر اتحادیوں کواعتماد میں لیں گے جبکہ وزرا پر مشتمل سینئر پارٹی قیادت نے مشاورت مکمل کرلی ہے۔

ذرائع کے مطابق حکومت کی جانب سے ایم کیو ایم کو اتحادی جماعتوں کے اجلاس میں شرکت کی دعوت دی گئی ہے، وزیراعظم کی درخواست پر کنوینر خالد مقبول صدیقی اسلام آباد پہنچ گئے ہیں، جہاں وہ اتحادی جماعتوں کے سربراہ اجلاس میں شرکت کریں گے، اور تجاویز دیں گے۔

گذشتہ روز ڈپٹی چیئرمین کی نامزدگی پر وزیراعظم نے اتحادیوں سے مشاورت کا فیصلہ کیا تھا۔

Comments

یہ بھی پڑھیں