The news is by your side.

Advertisement

عوام کے تعاون سے جلد کورونا پر قابو پالیں گے، وزیراعظم

اسلام آباد : وزیراعظم عمران خان کا کہنا ہے کہ مشکل اور جدوجہد کے وقت سے گزر رہے ہیں، عوام کےتعاون سے جلد کورونا پر قابو پالیں گے۔

تفصیلات کے مطابق وزیراعظم عمران خان کی پانچویں روز سے مسلسل ارکان اسمبلی سے ملاقاتیں جاری رہی ، ملاقاتوں میں وزیر دفاع پرویز خٹک ،چیف وہپ عامر ڈوگر ،اسدعمربھی شریک ہوئے ، ملاقات میں پارٹی امور ،حلقوں کے مسائل پر گفتگو کی گئی۔

اس موقع پر وزیراعظم عمران خان نے کہا کہ مشکل اور جدوجہد کے وقت سے گزر رہے ہیں، عوام کےتعاون سے جلد کورونا پر قابو پالیں گے۔

عمران خان کا کہنا تھا کہ حلقوں میں ترقیاتی منصوبوں پرعملدرآمد کیلئےجامع حکمت عملی کا آغازکریں گے اور اپنے حلقوں میں کورونا ریلیف پروگرام کو خود مانیٹر کریں۔

یاد رہے وزیراعظم عمران خان نے اس امر پر زور دیا تھا کہ کرونا کے معاملے پر خوف اورسنسنی خیزی کی حوصلہ شکنی ہونی چاہیے، حفاظتی تدابیر، ایس او پیز پر عمل درآمد کے لیے عوامی آگاہی مہم ناگزیر ہے۔

عمران خان کا کہنا تھا کہ کرونا وائرس کی وجہ سے معیشت پر اتنہائی منفی اثرات مرتب ہوئے، اُس کے باوجود بجٹ میں آزادکشمیرکی سالانہ گرانٹ میں اضافہ کیا، گلگت بلتستان، بلوچستان کے بجٹ میں بھی کوئی کمی نہیں کی۔

Comments

یہ بھی پڑھیں