اسلام آباد : وزیراعظم عمران خان کا کہنا ہے کہ پاکستان کا کرنٹ اکاؤنٹ خسارہ فروری میں سکڑ کر صرف 0.5 بلین ڈالر رہ گیا۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ کرنٹ اکاؤنٹ خسارے پر بر وقت قابو پانے کے ثمرسامنے آرہے ہیں اور خسارہ فروری میں سکڑ کر صرف 0.5 بلین ڈالر رہ گیا۔
Timely actions to contain current account deficit bear fruit.Deficit shrank to only $0.5bn in Feb,$2bn lower than in Jan & lowest monthly deficit so far this fiscal yr.Exports close to all-time high & imports down 21% from their peak & strong growth in large scale manufacturing.
— Imran Khan (@ImranKhanPTI) March 19, 2022
عمران خان نے بتایا کہ جنوری کی نسبت خسارہ 2 بلین ڈالر کم اور رواں مالی سال کاسب سے کم ماہانہ خسارہ رہا۔ برآمدات اب تک کی بلند ترین سطح کے قریب ہے جبکہ درآمدات اپنے عروج سے 21 فیصد کم ہیں اور بڑے پیمانے پر مینوفیکچرنگ میں ترقی ہورہی ہے۔