The news is by your side.

Advertisement

وزیراعظم کی نجیب ہارون کوہرقیمت پرمنانے کی ہدایات، تمام کوششیں ناکام

کراچی : وزیراعظم عمران خان نے پی ٹی آئی کے رکن قومی اسمبلی نجیب ہارون کوہرقیمت پرمنانے کی ہدایات دی تاہم نجیب ہارون اپنی ضدپر قائم ہے اور استعفیٰ واپس نہ لینے کا فیصلہ کیا ہے۔

تفصیلات کے مطابق پی ٹی آئی ایم این اے نجیب ہارون کومنانےکی تمام کوششیں ناکام ہوگئی ، وزیراعظم عمران خان نےنجیب ہارون کوہرقیمت پرمنانے کی ہدایات دی ہے۔

اس سلسلے میں صدرعارف علوی، گورنر سندھ عمران اسماعیل سمیت کئی اہم شخصیات کے رابطے ہوئے تاہم نجیب ہارون اپنی ضدپر قائم ہے اور استعفیٰ واپس نہ لینے کا فیصلہ کیا ہے۔

پی ٹی آئی کراچی کےسینئررہنماکےاستعفیٰ سےدیگر ناراض اراکین بھی حیران ہے کیونکہ رکن قومی اسمبلی نجیب ہارون عمران خان کےدیرینہ دوستوں میں سے ایک تھے۔

ذرائع کے مطابق پاکستان تحریک انصاف کے عہدیداروں نے نجیب ہارون کے گھرکےباہردھرنا دیا اور استعفیٰ واپس لینے کامطالبہ کیا تاہم کورونا کے باعث نجیب ہارون گھرسے باہر نہیں نکلے۔

پاکستان تحریک انصاف کے رکن قومی اسمبلی نجیب ہارون قومی اسمبلی کی نشست سے مستعفی ہو گئے اور اپنا استعفیٰ وزیر اعظم عمران خان کو بھجوادیا تھا۔

نجیب ہارون کا کہنا تھا کہ پی ٹی آئی کا بانی رکن ہونے کے باوجود انہیں فیصلوں میں شامل نہیں کیاجاتا، حلقے اورشہراور ملک کیلئے کچھ نہ کرسکا اس لئےمستعفی ہوا۔

خیال رہے کہ نجیب ہارون تحریک انصاف کے بانی اراکین میں شامل ہیں اور وہ کراچی سے قومی اسمبلی کے حلقہ این اے 256 سے منتخب ہوئے تھے۔

Comments

یہ بھی پڑھیں