The news is by your side.

Advertisement

وزیراعظم عمران خان کا قبضہ مافیا کےخلاف “زیرو ٹالیرنس” پالیسی اپنانےکا حکم

اسلام آباد : وزیراعظم عمران خان نے قبضہ مافیا کےخلاف “زیرو ٹالیرنس” پالیسی اپنانےکا حکم دیتے ہوئے اسلام آبادمیں جرائم  اور لینڈ مافیا کے خلاف پولیس کے کردار کی تعریف کی۔

تفصیلات کے مطابق وزیراعظم عمران خان سےآئی جی پولیس اسلام آبادعامر ذوالفقار کی ملاقات ہوئی ، ملاقات میں  آئی جی اسلام آبادنےلینڈ مافیا کےخلاف آپریشن کی رپورٹ وزیراعظم کو پیش کی۔

وزیراعظم نے قبضہ مافیا کےخلاف “زیرو ٹالیرنس” پالیسی اپنانےکا حکم دیتے ہوئے اسلام آباد میں جرائم  اور لینڈ مافیا کے خلاف پولیس کے کردارکی تعریف کی۔

عمران خان نے آئی جی اسلام آباد کی کوششوں کو سراہااور مزید سخت اقدامات کی ہدایت  کردی۔

گذشتہ روز وفاقی کابینہ کے اجلاس میں وزیراعظم کو قبضہ مافیا کے خلاف جاری آپریشن پر بھی بریفنگ دی گئی تھی اور لینڈ گریبنگ واقعات کی روک تھام کیلئے پولیس اقدامات کی رپورٹ کابینہ میں پیش کی گئی.

جس پر وزیراعظم کی آئی جی اسلام آباد کو قبضہ مافیا کے خلاف آپریشن پر شاباش دیتے ہوئے قبضہ مافیا کے خلاف بھرپور آپریشن جاری رکھنے کی ہدایت کی تھی۔

Comments

یہ بھی پڑھیں