The news is by your side.

Advertisement

اتحادیوں سے متعلق وزیر اعظم کا اہم قدم

اسلام آباد: وزیر اعظم عمران خان نے پارٹی رہنماؤں کو اتحادیوں سے متعلق بیان بازی سے روک دیا ہے۔

ذرائع کے مطابق وزیر اعظم نے اپوزیشن کی جانب سے بڑھتے دباؤ کے پیش نظر اپنے اتحادیوں سے متعلق اہم فیصلہ کرتے ہوئے پارٹی رہنماؤں کو محتاط رہنے کا کہہ دیا ہے۔

وزیر اعظم نے پارٹی رہنماؤں سے کہا ہے کہ اتحادیوں سے متعلق معاملات کو افہام و تفہیم سے دیکھا جائے گا، اس لیے ان کے خلاف کوئی بیان نہ دے۔

انھوں نے پارٹی رہنماؤں کو یقین بھی دلایا کہ نہ حکومت کہیں جا رہی ہے، نہ اتحادی کہیں جا رہے ہیں، اور تحریک عدم اعتماد ہی نہیں بلکہ پاکستان کے خلاف سازش بھی ناکام ہوگی۔

دریں اثنا، وزیر اعظم نے اپوزیشن کے جلسوں کا جواب دینے کے لیے اسد عمر اور عامر کیانی کو ڈی چوک جلسے کی ذمہ داریاں سونپ دی ہیں۔ اس سے قبل وفاقی وزیر اسد عمر نے سماجی رابطے کی ویب سائٹ ٹوئٹر پر اپنے پیغام میں کہا تھا کہ کپتان نے ڈی چوک اسلام آباد جلسے کا حتمی فیصلہ کر لیا ہے، جہاں 27 مارچ کو تاریخ ساز اجتماع ہوگا۔

تحریک انصاف کا ڈی چوک پر جلسہ ، اسد عمر نے تاریخ کا اعلان کردیا

ہیڈ آف انویسٹیگیٹو سیل نعیم اشرف بٹ کے مطابق پی ٹی آئی کور کمیٹی اجلاس میں وزیر اعظم نے بتایا کہ اپوزیشن کی گیم پلٹ گئی ہے، اتحادی ہمارے ساتھ ہیں اور جلد باقاعدہ اعلان بھی کردیں گے، ذرائع نے بتایا کہ وزیر اعظم نے پارٹی رہنماؤں سے کہا آپ پُر اعتماد رہیں، سازش کے خلاف سب ہمارے ساتھ کھڑے ہیں۔

انھوں نے کہا اپنے حلقوں میں جائیں اور لوگوں کو موبلائز کریں، سب ڈی چوک پہنچیں، عمران خان نے یہ بھی کہا کہ خارجہ پالیسی سے متعلق ہمارے دو ٹوک مؤقف پر ہمیں عوامی حمایت حاصل ہے، اور پارٹی میں جو کنفیوژ تھے انھوں نے جلسوں میں پی ٹی آئی کی مقبولیت دیکھ لی۔

Comments

یہ بھی پڑھیں