اسلام آباد : وزیر اعظم عمران خان نے رکن قومی اسمبلی عامرلیاقت کا استعفیٰ مستردکردیا اور کہا تم تحریک انصاف کا اثاثہ ہو، مجھے خوشی ہے کہ عامر تحریک انصاف میں ہے۔
تفصیلات کے مطابق پاکستان تحریک انصاف کے رکن قومی اسمبلی عامرلیاقت نے سماجی رابطے کی ویب سائٹ ٹوئٹر پر اپنے پیغام میں کہا کہ وزیر اعظم عمران خان سے طویل ملاقات ہوئی ، وزیراعظم نے 4صفحات پر مشتمل استعفیٰ مستردکردیا اور کہا اس پربات نہیں ہوگی۔
عامرلیاقت کا کہنا تھا کہ اپنا دل کھول کر وزیراعظم کے سامنے رکھا، وزیراعظم نے کراچی کےمسائل پر آواز بلند کرنے کو سراہا اور کہا یہی سیاسی سوجھ بوجھ اورعوام کادرد رکھنے والے رہنما کا کردار ہونا چاہیے۔
وزیر اعظم عمران خان سے طویل ملاقات، 4صفحات پر مشتمل استعفی مستردکردیا،اس پر بات نہیں ہوگی اپنا دل کھول کر وزیراعظم کے سامنے رکھا، انہوں نے کراچی کےمسائل پر آواز بلند کرنے کو سراہااور کہا یہی ایک سیاسی سوجھ بوجھ اور عوام کا درد رکھنے والے منتخب رہنما کا کردار ہوناچاہیے
— Aamir Liaquat Husain (@AamirLiaquat) July 20, 2020
رکن قومی اسمبلی نے بتایا کہ وزیراعظم نے کہاتم تحریک انصاف کا اثاثہ ہو، کچھ چھوڑنےکی ضرورت نہیں، تمہاری ضرورت ہے، ہم نے مل کر پاکستان کو فلاحی ریاست بنانا ہے اور یہ بھی کہا کہ حلقے اور کراچی کیلئے میری آواز کی قدر کرتا ہوں، مجھےخوشی ہے کہ عامر تحریک انصاف میں ہے۔
تم تحریک انصاف کا اثاثہ ہو،کچھ چھوڑنے کی ضرورت نہیں، تمہاری ضرورت ہے، ہم نے مل کر پاکستان کو فلاحی ریاست بناناہے، اپنے حلقے اور کراچی کے لیے تمہاری آواز کی قدر کرتا ہوں، وہ تمہاری نہیں پی ٹی آئی اور میری آواز تھی،مجھے خوشی ہے کہ عامر تحریک انصاف میں ہے، وزیراعظم
— Aamir Liaquat Husain (@AamirLiaquat) July 20, 2020
ان کا کہنا تھا کہ وزیراعظم نےکہا مسائل پراٹھنے والی آوازیں پارٹی کو آگے لے کر جاتی ہیں، خوش ہوں تم نےکراچی کی آواز بن کر سب کی توجہ دلائی ، تم جانتے ہومیں کراچی کا ہر مسئلہ اپنا سمجھتا ہوں، انشا اللہ حل ہوگا۔
جمہوریت میں پارٹی سے مسائل کے لیے اٹھنے والی آوازیں جو نظم و ضبط میں ہوں وہ پارٹی کو آکے لے کر جاتی ہیں ،خوش ہوں کہ تم نے کراچی کی آواز بن کر م سب کی توجہ مبذول کرائی تم جانتے ہو اور تم نے کہا بھی کہ میں کراچی کا ہر مسئلہ اپنا مسئلہ سمجھتا ہوں، ان شا اللہ سب حل ہوجائے گا،وزیرعظم
— Aamir Liaquat Husain (@AamirLiaquat) July 20, 2020
عامرلیاقت کے مطابق وزیراعظم نے مجھ سے کہا کہ بجلی،پانی ،بہترین زندگی کراچی کے ہر شہری کا حق ہے ، اور یہ حق ہم دیں گے، مسائل بہت ہیں تمہیں اپنا کردار ادا کرنا ہوگا، ذمے داریوں سے منہ نہیں موڑنے دوں گا، ساتھ ہو اور رہوگے۔
بجلی،پانی اور بہترین زندگی پاکستان اور بالخصوص کراچی کے ہر شہری کا حق ہے اور یہ حق ہم اس کو دیں گے، عامر، مسائل بہت ہیں، تم ایک سیاسی ذہن رکھنے والے دوست ااور ہارٹی رہنما ہو،تمہیں اپنا کردار ادا کرنا ہوگا، ذمے داریوں سے تمہیں منہ نہیں موڑنے دوں گا، ساتھ ہواور رہوگے، وزیراعظم
— Aamir Liaquat Husain (@AamirLiaquat) July 20, 2020
رکن قومی اسمبلی کا کہنا تھا کہ ملاقات میں وزیراعظم نے کہا کہ تم نے جتنے مسائل کا ذکر کیا سب میرے علم میں ہے ، کراچی میرے لیے سب سے اہم شہر ہے، مجھے یاد ہے تم نے کہا تھا کلین سوئپ کرینگے اور ہم نے کیا، اب ہم مسائل کو کلین سوئپ کریں گے۔
تم نے جتنے مسائل کا ابھی ذکر کیا ہے کے الیکٹرک، پانی اور سیوریج، ترقیاتی منصوبے،رکے ہوئے کام، یہ سب کچھ میرے علم میں ہےاورکراچی میرے لیے سب سے اہم شہر ہے، مجھے یاد ہے تم نے کہا تھا ہم کلین سوئپ کریں گے اور ہم نے کیا، اب ہم مسائل کو کلین سوئپ کریں گے، وزیراعظم
— Aamir Liaquat Husain (@AamirLiaquat) July 20, 2020
