تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

وزیراعظم عمران خان سے روسی وزیر خارجہ کی ملاقات، اہم امور پر تبادلہ خیال

نیویارک: وزیراعظم عمران خان سے روسی وزیر خارجہ سرگئی لاروف کی ملاقات ہوئی جس میں پاک روس دو طرفہ تعلقات کی نوعیت پر اطمینان کا اظہار کیا گیا۔

تفصیلات کے مطابق وزیراعظم سے روسی وزیر خارجہ کی ملاقات ہوئی، ملاقات میں دو طرفہ تعاون کے فروغ کے لیے مختلف پہلوؤں پر تبادلہ خیال کیا گیا۔

وزیراعظم عمران خان نے کہا کہ کشمیر کی تشویشناک صورت حال خطے کے امن کے لیے خطرناک ہے، عالمی برادری کشمیر میں بے جا پابندیاں ختم کرانے کے لیے کردار ادا کرے۔

انہوں نے کہا کہ بھارت دنیا کی توجہ ہٹانے کے لیے پاکستان پر جھوٹے الزامات لگا رہا ہے، بھارت پاکستان پر دہشت گردوں کی معاونت کا الزام لگانے کی کوشش کررہا ہے۔

مزید پڑھیں: مقبوضہ کشمیر، اقوام متحدہ نے فعال کردار ادا نہ کیا تو حالات خراب ہوسکتے ہیں، وزیراعظم

روسی وزیر خارجہ نے کہا کہ پاکستان، روس کشمیر کی صورت حال پر پہلے سے مشاورت جاری رکھے ہوئے ہیں، سیکیورٹی کونسل اجلاس بلانے کے پاکستانی مطالبے کی حمایت کی تھی۔

واضح رہے کہ اس سے قبل وزیراعظم عمران خان نے امریکی ٹی وی ایم ایس این بی سی کو انٹرویو دیتے ہوئے کہا تھا کہ بھارتی اقدامات کے بعد دونوں ممالک میں کشیدگی ہے، امریکی صدر کی ثالثی کی پیشکش قبول کی ہے، موجودہ صورت حال میں کوئی ثالثی کرسکتا ہے تو وہ ٹرمپ ہیں۔

وزیراعظم کا کہنا تھا کہ مقبوضہ کشمیر میں انسانی المیہ جنم لے رہا ہے، کوئی بھی عقل مند انسان نیوکلیئر جنگ کا سوچ بھی نہیں سکتا ہے، امریکی صدر سے اس لیے ثالثی چاہتے ہیں کہ خونریزی کا خطرہ ہے۔

Comments

- Advertisement -