اسلام آباد : وزیراعظم عمران خان نے پنجگور اور نوشکی میں فوجی کیمپوں پر دہشت گردوں کا حملہ پسپا کرنے والے جوانوں کو سلام پیش کیا۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ پنجگور اورنوشکی میں دہشت گرد حملوں کو ناکام بنانے والے جوانوں کو سلام پیش کرتے ہیں، ہمارے بہادر جوان عوام کی حفاظت اور دفاع کے لیے بڑی قربانیاں دے رہے ہیں، پوری قوم سیکیورٹی فورسز کے ساتھ کھڑی ہے۔
We salute our brave security forces who repulsed terrorist attacks against security forces’ camps in Panjgur & Naushki, Balochistan. The nation stands united behind our security forces who continue to give great sacrifices to protect us.
— Imran Khan (@ImranKhanPTI) February 3, 2022
گذشتہ روز بلوچستان کےعلاقے نوشکی اور پنجگور میں دہشت گردوں نے حملہ کردیا تھا ، فورسز کی جوابی کارروائی میں چار دہشت گرد مارے گئے تھے جبکہ فورسزکا ایک جوان زخمی ہوا۔۔
آئی ایس پی آر کا کہنا تھا کہ دہشت گردوں نے سیکیورٹی فورسز کے کیمپوں کو نشانہ بنایا، دہشت گردوں کو جوابی کارروائی میں بھاری نقصان اٹھانا پڑا۔