The news is by your side.

Advertisement

وزیراعظم نے پاکستانی معیشت کے حوالے سے ایک اور بڑی خوشخبری سنادی

اسلام آباد : وزیراعظم عمران خان کا کہنا ہے کہ پاکستان کی معیشت، ماشااللہ درست راہ پر گامزن ہے، جولائی2020 میں کرنٹ اکاؤنٹ میں 424 ملین ڈالر کا اضافہ ہوا۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان کی معیشت،ماشااللہ درست راہ پر گامزن ہے، جولائی2019 میں613 ملین ڈالر خسارہ ہوا، جون2020 میں 100 ملین ڈالرخسارے کے بعد صورتحال سنبھل گئی۔

عمران خان کا کہنا تھا کہ جولائی2020 میں کرنٹ اکاؤنٹ میں 424 ملین ڈالر اضافی جمع ہوچکے ہیں جبکہ جون2020کی نسبت20فیصد زیادہ بہتری ریکارڈ ترسیلات زرکا نتیجہ ہے۔

یاد رہے وزیراعظم نے ایک پیغام میں کہا تھا کہ پاکستانی معیشت کیلئے ایک اور خوشخبری: جولائی 2020 میں سمندر پار پاکستانیوں کیجانب سے بھجوائی جانے والی ترسیلاتِ زر 2768 ملین ڈالرز تک پہنچ گئیں جولائی کی ترسیلات زر ایک ماہ میں بھجوایا جانے والا سب سے زیادہ سرمایہ ہے، یہ ترسیلاتِ زر جون 2020 کی نسبت 12.2%جبکہ جولائی 2019 کی نسبت 36.5% زیادہ ہیں۔

اس سے قبل یوم آزادی کے موقع پر وزیراعظم عمران خان نے قوم کے نام پیغام میں کہا تھا کہ خوشخبری یہ ہے کہ حالات بہتری کی جانب گامزن ہیں، ہماری ایکسپورٹ اوپر جارہی ہیں ، لوگوں کا اعتماد بحال ہونے سے اسٹاک مارکیٹ اوپرجارہی ہے، کنسٹرکشن انڈسٹری کو مراعات دیں جو پہلےکبھی نہیں دی گئیں، کنسٹرکشن سے40انڈسٹریزوابستہ ہیں جس سےروزگارمیں اضافہ ہوتاہے۔

Comments

یہ بھی پڑھیں