The news is by your side.

Advertisement

وزیر اعظم عمران خان کا اقتصادی سفارتکاری کے لیے بڑا اقدام

اسلام آباد : وزیراعظم عمران خان نے 13 وزارتوں پر مشتمل اکنامک آؤٹ ریچ اپیکس کمیٹی اور کوآرڈینیشن گروپ قائم کردیا، کمیٹی ملکی معاشی اعشاریوں کا جائزہ لے گی جبکہ کوآرڈینیشن گروپ ملکی معیشت کی بہتری کیلئے مؤثر ایکشن پلان پیش کرے گا۔

تفصیلات کے مطابق وزیر اعظم عمران خان نے اقتصادی سفارتکاری کے لیے بڑا اقدام اٹھاتے ہوئے 13وزارتوں پرمشتمل اکنامک آؤٹ ریچ اپیکس کمیٹی اور کوآرڈینیشن گروپ قائم کردیا۔

اس حوالے سے نیشنل سیکیورٹی ڈویژن وزیر اعظم آفس نے نوٹی فکیشن جاری کر دیا ، وزیر اعظم کی زیر صدارت گزشتہ ماہ اجلاس میں فیصلہ ہوا تھا۔

وزیر اعظم عمران خان اکنامک آؤٹ ریچ اپیکس کمیٹی کے چیئرپرسن ہوں گے جبکہ صوبوں کے وزرائےاعلیٰ ، وزیر اعظم آزاد کشمیر ، مشیر خزانہ اور مشیر تجارت ، وفاقی وزراخارجہ،سائنس وٹیکنالوجی،اطلاعات ، انڈسٹریز،آئی ٹی،فوڈ سیکیورٹی کے وفاقی وزرا کمیٹی میں شامل ہیں۔

معاون خصوصی اسٹریٹجک پلاننگ، سیکرٹری سلامتی ڈویژن ، معاونین خصوصی صحت اوراوورسیز بھی کمیٹی کا حصہ ہوں گے ، کمیٹی ملکی معاشی اعشاریوں کا جائزہ لے گی۔

کمیٹی معاشی اہداف کا تعین اور ان کے حصول کے لیے حکمت عملی مرتب کرنے کے ساتھ ساتھ معاشی بہتری،استحکام کیلئےوزارتوں کی ضرورتوں،اہداف کاجائزہ لے گی۔

معاون خصوصی سلامتی ڈویژن اکنامک آؤٹ ریچ کوآرڈینیشن گروپ کے کنوینر مقرر کئے گئے ہیں ، کوآرڈینیشن گروپ میں چیف سیکریٹریز اور وزارتوں کے سیکریٹریز شامل ہیں ، کوآرڈینیشن گروپ ملکی معیشت کی بہتری کیلئےمؤثر ایکشن پلان پیش کرے گا۔

Comments

یہ بھی پڑھیں