The news is by your side.

Advertisement

پارلیمنٹ کا مشترکہ اجلاس، وزیراعظم عمران خان کی تقریر کا ڈرافٹ تیار

اسلام آباد : مقبوضہ کشمیر کی صورتحال پر پارلیمنٹ کے مشترکہ اجلاس کے لئے وزیراعظم عمران خان کی تقریر کا ڈرافٹ تیار کرلیا ، وزیر اعظم اپنےخطاب میں جارحانہ اندازاختیارکریں گے۔

تفصیلات کے مطابق وزیراعظم عمران خان کی مقبوضہ کشمیر کی صورتحال پر پارلیمنٹ کے مشترکہ اجلاس کے لئے تقریر کا ڈرافٹ تیار کرلیا گیا ہے۔

حکومتی ذرائع کا کہنا ہے کہ وزیراعظم اپنی تقریرمیں پارلیمنٹ، قوم، کشمیری عوام اورعالمی کمیونٹی اور بھارتی عوام سےبھی مخاطب ہوں گے ، وزیر اعظم اپنےخطاب میں جارحانہ اندازاختیارکریں گے، ان کی تقریر مضبوط اور جامع ہوگی۔

دوسری جانب وزیر اعظم عمران خان کی اپنے چیمبر میں اہم ملاقاتیں جاری ہیں ، وزیراعظم سے وزیرقانون فروغ نسیم اورفردوس عاشق اعوان نے ملاقات کی ، ملاقات میں پارلیمنٹ کےمشترکہ اجلاس کے حوالے سے حکمت عملی پر مشاورت کی گئی۔

مزید پڑھیں : اپوزیشن نےمشترکہ اجلاس میں شرکت وزیراعظم سےمشروط کردی 

خیال رہے پارلیمنٹ کااجلاس ایک گھنٹےبعدبھی شروع نہ ہوسکا، اپوزیشن نے اجلاس میں شرکت کے لئے شرط رکھ دی ہے، اپوزیشن نے مشترکہ اجلاس میں شرکت وزیراعظم سے مشروط کردی ہے۔

خیال رہے بلاول بھٹو زرداری سمیت دیگر قومی رہنماؤں نے مقبوضہ کشمیر کی صورتحال پر پارلیمنٹ کا مشترکہ اجلاس بلانے کا مطالبہ کیا تھا۔

گزشتہ روز بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا گیا تھا، تجویز کے تحت کشمیریوں کو حاصل خصوصی حقوق ختم کردیے گئے ہیں اور غیر مقامی افراد مقبوضہ کشمیر میں سرکاری نوکریاں اور جائیدادحاصل کرسکیں گے۔

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی تھی۔

Comments

comments

یہ بھی پڑھیں