The news is by your side.

Advertisement

کوروناوائرس کی روک تھام کیلئے فیصلوں کی منظوری، وفاقی کابینہ کا اجلاس کل طلب

اسلام آباد : وزیراعظم عمران خان نے وفاقی کابینہ کا اجلاس کل طلب کرلیا ، جس میں کوروناوائرس کی روک تھام کیلئے کئے گئے فیصلوں کی منظوری دی جائے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس کل ہوگا ، جس میں 4 نکاتی ایجنڈا پر غور کیا جائے گا، عمران خان ویڈیو لنک کے ذریعے کابینہ اجلاس کی صدارت کریں گے۔

کابینہ ایجنڈا کے مطابق اجلاس کے مقام سے متعلق بعد میں آگاہ کیا جائے گا، اجلاس میں کابینہ کو کوروناوائرس کی روک تھام کیلئے کئے گئےاقدامات پربریفنگ دی جائے گی۔

ذرائع کا کہنا ہے کہ اجلاس میں کابینہ کوروناوائرس کی روک تھام کیلئےکئےگئےفیصلوں کی منظوری دے گی جبکہ پاورڈویژن کی جانب سےبجلی شعبے سے متعلق کابینہ کوبریفنگ کی جائے گی۔

ذرائع کے مطابق کابینہ قانون سازی کمیٹی میں کئےگئےفیصلوں اور ای سی سی کے گزشتہ 2اجلاس میں کئےگئےفیصلوں کی توثیق ایجنڈے میں شامل ہیں۔

اجلاس میں عالمی لیبرکانفرنس کی سفارشات،پروٹوکولزوفاقی کابینہ میں پیش کیے جائیں گے اور کابینہ کورونا وائرس سے معیشت پر پڑنے والے اثرات پربھی غور کرے گی۔

خیال رہے وزیراعظم عمران خان کا آج شام قوم سے خطاب کریں گے، جس میں عمران خان ی جانب سے تعمیراتی انڈسٹری ،لاک ڈاؤن، شاہراہوں سے متعلق اہم اعلانات کئے جائیں گے۔

گذشتہ روزوزیراعظم عمران خان نے پی ٹی آئی کور کمیٹی کے اجلاس میں کہا تھا کہ مشکل وقت میں لیڈر شپ کا امتحان ہوتا ہے، کل قوم کے سامنے جامع روڈ میپ رکھوں گا، گھبراہٹ میں کیےگئے فیصلے درست نہیں ہوتے، ہنگامی حالات میں تمام ملکی وسائل استعمال کرنے کا فیصلہ کیا ہے۔

fb-share-icon0
Tweet 20

Comments

comments

یہ بھی پڑھیں