The news is by your side.

Advertisement

وزیر اعظم عمران خان نے وفاقی کابینہ کا اجلاس 9اپریل کو طلب کرلیا

اسلام آباد : وزیر اعظم عمران خان نے وفاقی کابینہ کا اجلاس 9اپریل کو طلب کرلیا، اجلاس کا 19 نکاتی ایجنڈا جاری کردیا گیا ہے ،کابینہ اہم تعیناتیوں کی منظوری دے گی۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس 9اپریل کو ہوگا ،اجلاس میں 19نکاتی ایجنڈے پر غور کیا جائے گا۔

متروکہ وقف املاک بورڈ کے سربراہ اور جینکو ون، ٹو، تھری کے سربراہان کی تعیناتی ایجنڈے کا حصہ ہوگی جبکہ سی ای او سٹیٹ لائف انشورنس کارپوریشن کی تعیناتی کی منظوری اور انفارمیشن کمیشن کے ارکان کی تنخواہ کا تعین بھی ایجنڈے میں شامل ہے۔

وفاقی کابینہ کے اجلاس میں مہلک بیماریوں کے علاج کے پروگرام کی بحالی، پیپرا رولز2004میں ترامیم اور فیصل آباد میں آبی وسائل کیلئے فرانس سے 94ملین یورو قرض معاہدے کی منظوری کے امور پر زیرغور آئیں گے۔

اجلاس میں عابد حسین، افروز عالم لہری نامی افراد کو یو اے ای، سعودی عرب کے حوالے کرنے کا جائزہ لیا جائے گا جبکہ فارمیسی کی تعلیم کے اداروں کے الحاق اور سرکاری افسران کی دہری شہریت سے متعلق عدالتی فیصلے پر بھی جائزہ لیا جائےگا۔

وفاقی کابینہ کے اجلاس میں پاکستان میڈیا یونیورسٹی کے قیام کی منظوری دی جائے گی۔

مزید پڑھیں : وفاقی کابینہ اجلاس : پاکستان میں آئی پی ایل پر پابندی لگا دی گئی

یاد رہے 2 اپریل کو وفاقی کابینہ کا اجلاس ہوا تھا ، جس میں اہم فیصلوں کی منظوری دی تھی، بعد ازاں وزیراطلاعات فواد چوہدری نے میڈیا بریفنگ میں کہا تھا پہلی بار غربت کے خاتمے کے لئے پورا ڈویژن بنایا گیا، بے نظیر انکم سپورٹ پروگرام کا نام تبدیل نہیں کیا جا رہا، سماجی تحفظ اور انسداد غربت پروگرام لے کر آ رہے ہیں، احساس کے نام سے پروگرام لانچ کررہے ہیں، جس کی تفصیل آئندہ ہفتے دیں گے۔

اجلاس میں ایئر مارشل(ر) ارشدملک کو پی آئی اے کا سی ای او نامزد کیا گیا ہے، آئی پی او بورڈ سے حسن شاہ کو ہٹادیا گیا ہے جبکہ پاکستان میں آئی پی ایل پر پابندی لگادی گئی تھی۔

Comments

comments

یہ بھی پڑھیں