The news is by your side.

Advertisement

وزیراعظم عمران خان نےوفاقی کابینہ کا اجلاس 16جولائی کو طلب کرلیا

اسلام آباد وزیراعظم عمران خان نےوفاقی کابینہ کا اجلاس 16جولائی کو طلب کرلیا ، جس میں ملک کی موجودہ سیاسی و معاشی صورتحال پر غور کیا جائے گا۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس 16 جولائی کو ہوگا، جس میں ملک کی موجودہ سیاسی و معاشی صورتحال پر غور کیا جائےگا۔

ذرائع کا کہنا ہے کہ سابقہ سربراہان مملکت و حکومت کی جانب سے کیمپ آفسز اور میڈیکل پر کیے گئے اخراجات پر بریفنگ کابینہ کے آنے والے اجلاس کے ایجنڈے میں بھی شامل کی گئی ہے۔

وفاقی کابینہ کو زرعی ترقیاتی بنک کے حوالے سے پریزینٹیشن بھی دی جائے گی اور رولز آف بزنس 1973 کے شیڈول ون میں ترمیم کا معاملہ بھی زیر بحث لایا جائیگا۔

نیو ٹیک کے ایگزیکٹو ڈائریکٹر کی تقرری کی منظوری بھی وفاقی کابینہ کے اجلاس کے ایجنڈے میں شامل کی گئی ہے جبکہ کابینہ کے فیصلوں پر عملدرآمد کے حوالے سے بریفنگ بھی ایجنڈے کا حصہ ہے۔

پی اے ایف بیس شہباز اور اطراف کے علاقوں کو جیکب آباد کنٹونمنٹ ڈکلیئر کرنے پر غوربھی وفاقی کابینہ کے آنے والے اجلاس کے ایجنڈے کا حصہ بنایا گیاہے۔

Comments

یہ بھی پڑھیں