The news is by your side.

Advertisement

وزیراعظم عمران خان نے وفاقی کابینہ کا اجلاس 14 مئی کو طلب کرلیا

اسلام آباد : وزیراعظم عمران خان نے وفاقی کابینہ کااجلاس14مئی کوطلب کرلیا، اجلاس میں قیدپاکستانیوں کی معاونت کیلئےقونصلرپالیسی منظوری کیلئے پیش کی جائےگی جبکہ ماہانہ مہنگائی کی شرح پر بھی بریفنگ دی جائےگی۔

تفصیلات کے مطابق وزیراعظم عمران خان کی زیر صدارت وفاقی کابینہ کااجلاس 14مئی کو ہوگا، اجلاس میں ملک کے موجودہ تعلیمی نظام میں بہتری پر بریفنگ دی جائے گی۔

کابینہ کو اشیا ضروریہ کی قیمتوں سے متعلق اور ماہانہ مہنگائی کی شرح پربھی بریفنگ دی جائے گی۔

اجلاس میں قیدپاکستانیوں کی معاونت کیلئےقونصلرپالیسی منظوری کیلئےپیش کی جائےگی جبکہ کراچی اورکوئٹہ میں خصوصی عدالتوں میں ججزتعیناتی ایجنڈے میں شامل ہیں۔

نارکوٹکس کنٹرول چین سے عطیہ سامان پراستثنیٰ کی سمری اور پی آئی اےکےآرپی ٹی،چارٹر،ایریل ورک لائسنس کی تجدیدکی سمری بھی کابینہ میں پیش کی جائے گی جبکہ این ایس پی پی اورمصرکےمینجمنٹ انسٹی ٹیوٹ میں ایم اویوکی منظوری دی جائے گی۔

مزید پڑھیں : پٹرولیم مصنوعات کی قیمتوں میں کمی نہیں ہوگی، کابینہ اجلاس میں فیصلہ

یاد رہے 7 مئی کو وزیرِ اعظم عمران خان کی زیر صدارت وفاقی کابینہ کے اجلاس میں فیصلہ کیا گیا تھا کہ پٹرولیم مصنوعات کی قیمتوں میں کمی نہیں ہوگی اور پٹرولیم مصنوعات کی قیمتوں سے متعلق ای سی سی کا فیصلہ برقرار رہے گا۔

کابینہ اجلاس میں وزیر اعظم نے ایک بار پھر کرپشن کے خاتمے پر زور دیتے ہوئے کہا تھا کرپشن پر کوئی سمجھوتا نہیں ہوگا، چوروں اور لٹیروں کو نہیں چھوڑیں گے۔

وفاقی کابینہ اجلاس میں وزیر اعظم نے وفاقی وزرا کو مزید اختیارات دینے کا بھی فیصلہ کیا تھا تاہم اس سلسلے میں وفاقی وزرا کو مزید با اختیار بنانے کے لیے اہم فیصلے چند روزمیں کیے جائیں گے۔

Comments

comments

یہ بھی پڑھیں