The news is by your side.

Advertisement

وزیراعظم عمران خان نے وفاقی کابینہ کا اجلاس کل طلب کرلیا

اسلام آباد : وزیراعظم عمران خان نے کل وفاقی کابینہ کا اجلاس طلب کرلیا ہے، جس میں بجلی قیمتوں پر کابینہ کوبریفنگ اور گریڈ1سے15تک اسلام آبادکے ڈومیسائل پر نوکری کوٹہ دگنا کرنے کی منظوری دی جائے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس کل ہوگا، وفاقی کابینہ 11 نکاتی ایجنڈے پرغور کرےگی، اجلاس میں وزارت توانائی کی جانب سے بجلی قیمتوں پر کابینہ کوبریفنگ دی جائے گی جبکہ وزیراعظم کےپرنسپل سیکرٹری حکومت کےخصوصی اقدامات پربریفنگ دیں گے۔

اجلاس میں حکومت کےخودمختاراداروں،محکموں کی تشکیل نوسےمتعلق رپورٹ پیش کی جائے کی جبکہ کابینہ بھارت سےکیڑےمارادویات درآمدکرنے کی درخواست پرغورکرے گی اور حفاظتی آلات کی برآمد پر پابندی کی بھی منظوری دے گی۔

چیئرمین ایس ای سی پی کی تعیناتی کی منظوری ، گریڈ1سے15تک اسلام آبادکےڈومیسائل پر نوکری کوٹہ دگنا کرنے کی منظوری اور کراچی پورٹ ٹرسٹ کےجنرل منیجرایڈمن کی تعیناتی کی منظوری ایجنڈے میں شامل ہیں۔

کابینہ کےاب تک فیصلوں کی عملدرآمدرپورٹ بھی اجلاس میں پیش کی جائے گی ، کابینہ پاکستان حلال اتھارٹی کے ڈائریکٹرجنرل کی تعیناتی کی منظوری دے گی اور ای سی سی اجلاس کے فیصلوں کی توثیق کرے گی۔

fb-share-icon0
Tweet 20

Comments

comments

یہ بھی پڑھیں