The news is by your side.

Advertisement

بجٹ کی تیاریاں ، وزیراعظم نے وفاقی کابینہ کااجلاس کل طلب کرلیا

اسلام آباد : وزیر اعظم عمران خان نے وفاقی کابینہ کااجلاس کل طلب کرلیا،  اجلاس میں وفاقی کابینہ کو وفاقی بجٹ کی تیاریوں پربریفنگ دی جائےگی جبکہ پاکستان اسٹیل ملز کے ملازمین کی برطرفی یاملازمت برقرار رکھنےکافیصلہ کرے گی۔

تفصیلات کے مطابق وزیر اعظم کی زیر صدارت وفاقی کابینہ اجلاس کل دوپہر 12بجے ہوگا  ، اجلاس کا 8 نکاتی ایجنڈاجاری کردیا گیا ہے۔

اجلاس  میں وفاقی بجٹ کی تیاریوں پربریفنگ دی جائےگی اور ملکی سیاسی،معاشی اورکوروناصورتحال کاجائزہ لیا جائے گا جبکہ  چینی بحران پر کمیشن کی رپورٹ پرغور کیا جائے گا۔

کابینہ اقتصادی رابطہ کمیٹی کے3جون کے فیصلوں کی توثیق پرغورکرےگی، ای سی سی نےپاکستان اسٹیل کے9350 فارغ کرنےکی سفارش کی تھی، جس  پر کابینہ ملازمین کی برطرفی یاملازمت برقرار رکھنےکافیصلہ کرےگی۔

وفاقی کابینہ کومتروکہ وقف املاک میں اصلاحات اور اسٹیبلشمنٹ ڈویژن کانٹریکٹ سے متعلق کارکردگی   پربریفنگ دی جائے گی۔

کابینہ ایس ایم ای بینک کےصدر،سی ای اوکی تقرری اور سیکٹرایف12،جی12ایف جی ایمپلائز ہاؤسنگ مختص کرنےکی منظوری دے گی۔

کابینہ اجلاس میں ارسامیں ٹیلی کام سسٹم کی تنصیب میں خلل کی تحقیقات کاجائزہ لیاجائےگا  جبکہ ایس این جی پی ایل بورڈآف ڈائریکٹرکےالیکشن کے لیے نامزدگی ایجنڈےکاحصہ ہیں۔

Comments

یہ بھی پڑھیں