The news is by your side.

Advertisement

وزیر اعظم عمران خان نے وفاقی کابینہ کا اجلاس کل طلب کرلیا

اسلام آباد : وزیر اعظم عمران خان نے وفاقی کابینہ کا اجلاس کل طلب کرلیا اور اجلاس کا 14 نکاتی ایجنڈا جاری کردیا گیا ہے۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس کل دن 12 بجے ہوگا ، جس میں ملکی سیاسی معاشی کوروناکی صورتحال سمیت ملکی امن و امان بارڈر کی صورتحال پر غور ہوگا۔

وفاقی کابینہ اجلاس کا 14 نکاتی ایجنڈا جاری کردیا گیا، وائلڈ لائف مینجمنٹ بورڈ کے چیئرمین کی تقرری کی منظوری کابینہ ایجنڈا کا حصہ ہے۔

کابینہ چیئرمین نیشنل کمیشن انسانی حقوق، ممبران کی تقرری اور پریس کونسل پاکستان کے ممبران کے نوٹیفکیشن کی منظوری دے گی۔

پاکستان ٹیلی ویژن کارپوریشن کے بورڈ آف ڈائریکٹرز کی تشکیل نو ، کورونا بچاؤ،اسمگلنگ روک تھام آرڈیننس میں اختیارات کی فراہمی کی منظوری اور پبلک سیکٹرانٹرپرائزیز کے سی ای اوز کی تقرری کے عمل پر بریفنگ ایجنڈے میں شامل ہیں۔

کابینہ اقتصادی رابطہ کمیٹی کے 28 اکتوبر اور 4 نومبر کے فیصلوں، کابینہ کمیٹی قانون سازی کیسز کے 21 اکتوبر، 5 نومبرکے فیصلوں اور کابینہ ادارہ جاتی اصلاحات سے متعلق کمیٹی کے 29 اکتوبر کے فیصلوں کی توثیق کرے گی۔

کورونا سے بچاؤ، روک تھام کیلئے اشیا کی امپورٹ پرڈیوٹی، ٹیکس معافی کی منظوری ، نیشنل میڈیکل اینڈ ڈینٹل اکیڈمک بورڈ چیئرمین کی تقرری اور پاکستان میڈیکل اتھارٹی کا قیام بھی وفاقی کابینہ کے ایجنڈے میں شامل ہیں۔

اجلاس میں وزارت داخلہ ویزہ پالیسی کی اسٹریم لائننگ پر وزارت داخلہ کابینہ کو بریفنگ دے گی۔

Comments

یہ بھی پڑھیں