The news is by your side.

Advertisement

وزیراعظم عمران خان نے وفاقی کابینہ کا اجلاس 22 اکتوبر کو طلب کرلیا

اسلام آباد : وزیراعظم عمران خان نے وفاقی کابینہ کا اجلاس 22 اکتوبر کو طلب کرلیا ، اجلاس میں ملک کی سیاسی ومعاشی صورتحال پر مشاورت ہوگی اور گھروں کی تعمیر کیلئے 5 ارب کے بلاسود قرضے دینے کی منظوری دی جائے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس 22 اکتوبر کو ہوگا، اجلاس میں 12 نکاتی ایجنڈے پر غور کیا جائے گا، کابینہ ملک کی سیاسی ومعاشی صورتحال پرمشاورت کرے گی اور اشیائے خورونوش کی قیمتوں پر بریفنگ دی جائے گی۔

کابینہ ڈویژن نیب، قرضہ کمیشن کومعلومات فراہم کرنے اور گھروں کی تعمیر کیلئے 5 ارب کے بلاسود قرضے دینے کی منظوری دے گی جبکہ وزارت سائنس وٹیکنالوجی کے ذیلی اداروں میں تعیناتیاں بھی ایجنڈے میں شامل ہیں۔

کابینہ اجلاس میں 6 نئے قوانین کی آرڈیننس کے ذریعے منظوری کی سمری بھی کی جائے گی۔

مزید پڑھیں : وزیر اعظم کی ذخیرہ اندوزوں سے آہنی ہاتھوں سے نمٹنے کی ہدایت

گذشتہ کابینہ اجلاس میں وزیر اعظم عمران خان نے اشیائے ضروریہ کی قیمتوں کے لیے پلاننگ منسٹر کو ہدایت تھی جبکہ کابینہ نے اقتصادی رابطہ کمیٹی اور کابینہ کمیٹی برائے قانون سازی کے فیصلوں کی توثیق کی اور جان بچانے والی ادویات کی قیمتوں پر نظر رکھنے کی ہدایت کی گئی۔

اجلاس میں رئیل اسٹیٹ ریگولیٹری اتھارٹی کے قیام , سی ڈی اے کی ری اسٹرکچرنگ اور سیکٹر جی 6 میں پائلٹ پروجیکٹ کے طور پر کام کی بھی منظوری دی گئی تھی۔

کابینہ نے لنگر خانوں کے قیام کی پالیسی کی بھی منظوری دی تھی، لنگر خانے پبلک پرائیویٹ پارٹنر شپ کے تحت چلائے جائیں گے۔

وزیر اعظم نے کابینہ کو چین اور ایران کے دوروں پر اعتماد میں لیا تھا ،کابینہ نے چین کے ساتھ تعلقات پر اطمینان کا اظہار کیا جبکہ اجلاس میں ایران اور سعودی عرب میں تعلقات میں بہتری کی کوششوں سے بھی آگاہ کیا۔

Comments

comments

یہ بھی پڑھیں