تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم کا ذخیرہ اندوزی اورگراں فروشی کیخلاف گھیرا تنگ کرنے کا فیصلہ

اسلام آباد : وزیراعظم عمران خان نے ذخیرہ اندوزی اورگراں فروشی کےخلاف گھیرا تنگ کرنے کا فیصلہ کرتے ہوئے مہنگائی کے معاملے پر آج اعلیٰ سطح اجلاس طلب کرلیا ہے۔

تفصیلات کے مطابق وزیراعظم عمران خان نے ذخیرہ اندوزی اورگراں فروشی کے خلاف گھیرا تنگ کرنے کا فیصلہ کرلیا اور مہنگائی کے معاملے پر آج دوپہر اعلیٰ سطح اجلاس بلالیا۔

اجلاس میں صوبوں کےچیف سیکریٹریز اوردیگرحکام شریک ہوں گے جبکہ پنجاب اورخیبر پختونخواکےوزرائے اعلیٰ کی شرکت متوقع ہیں۔

ذرائع کا کہنا ہے کہ اجلاس میں ذخیرہ اندوزوں کےخلاف قانون کےتحت کارروائی یا آپریشن کا طریقہ طےہوگا اور وفاقی اورصوبائی حکام مہنگائی کنٹرول کرنے سےمتعلق  رپورٹ پیش کریں گے۔

مزید پڑھیں : وزیر اعظم کی مہنگائی میں اضافے کے خلاف خصوصی مہم کی ہدایت

یاد رہے وزیر اعظم عمران خان نے ملک میں بڑھتی ہوئی مہنگائی اور اشیائے خورونوش کی قیمتوں میں غیرمعمولی اضافےکا نوٹس لیتے ہوئے مصنوعی مہنگائی کے خلاف کارروائی کا حکم دیا تھا اور ساتھ ہی قیمتوں میں غیرمعمولی اضافے کے خلاف خصوصی مہم کی ہدایت کی تھی۔

وزیر اعظم کا کہنا تھا کہ قیمتوں میں بلاجواز اضافے پرکارروائی کی حکمت عملی اپنائی جائے، ذخیرہ اندوزی کے خلاف سخت کارروائی عمل میں لائی جائے، پرائس کنٹرول کمیٹیز باقاعدگی سے قیمتوں کی فہرستیں جاری کریں۔

Comments

- Advertisement -